రాహుల్‌ మగతనాన్ని పరీక్షించాలంటే మీ అక్కచెల్లెళ్ళని పంపించండి: కాంగ్రెస్ నాయకుడి అవాకులు

Congress leader’s derogatory comments on women backlashes

గుజరాత్ కాంగ్రెస్ నాయకుడు ప్రతాప్ దుధత్ చేసిన వ్యాఖ్యలు వివాదానికి దారి తీసాయి. బీజేపీ నాయకుడు భూపత్ భయానీ చేసిన అభ్యంతరకర వ్యాఖ్యలకు స్పందనగా కాంగ్రెస్ నాయకుడు మరింత తీవ్రమైన పదజాలంతో విరుచుకుపడ్డారు. కాంగ్రస్ నాయకులు మహిళలను దూషించేలా వ్యాఖ్యలు చేయడం ఇదే మొదటిసారి కాదు.

గుజరాత్ బీజేపీ నాయకుడ భూపత్ భయానీ ఎన్నికల ప్రచారంలో భాగంగా రాహుల్‌గాంధీ మీద అభ్యంతరకరమైన వ్యాఖ్యలు చేసారు. దానికి స్పందిస్తూ కాంగ్రెస్ నాయకుడు ప్రతాప్ దుధత్ మహిళలను అవమానించేలా వ్యాఖ్యలు చేసారు. ‘‘రాహుల్ గాంధీ మగతనం మీద అనుమానం ఉన్నవాళ్ళు ఆయన దగ్గరకు తమ అక్కచెల్లెళ్ళనో, కూతుళ్ళనో పంపించి పరీక్షించుకోవాలి’’ అంటూ దుధత్ నోరు పారేసుకున్న వీడియో వైరల్ అయింది.

దుధత్ వ్యాఖ్యల పట్ల సర్వత్రా విమర్శలు వ్యక్తమవుతున్నాయి. అవి చాలా నీచంగా ఉన్నాయనీ, మహిళలపట్ల కాంగ్రెస్ నాయకుల వైఖరిని ప్రతిబింబిస్తున్నాయనీ బీజేపీ మండిపడింది.

ప్రతాప్ దుధత్ గుజరాత్‌లో మాజీ ఎంఎల్ఎ. ప్రస్తుతం అమ్రేలీ జిల్లా కాంగ్రెస్ అధ్యక్షుడు. 2022 గుజరాత్ అసెంబ్లీ ఎన్నికల్లో సావర్‌కుండ్లా నియోజకవర్గం నుంచి పోటీ చేసి బీజేపీ అభ్యర్ధి చేతిలో ఓడిపోయారు.

మహిళలను అవమానించేలా వ్యాఖ్యలు చేయడంలో కాంగ్రెస్ నాయకులకు గొప్ప చరిత్రే ఉంది. ఇటీవలే కాంగ్రెస్ నేత రణదీప్ సూర్జేవాలా, మథుర నుంచి బీజేపీ ఎమ్మెల్యేగా ఉన్న సినీనటి హేమామాలినిపై చేసిన వ్యాఖ్యలు వివాదాస్పదం అయ్యాయి. దానికి ఎన్నికల సంఘం స్పందించి, రెండురోజుల పాటు ఎన్నికల ప్రచారంలో పాల్గొనకూడదంటూ ఆయనపై నిషేధం విధించింది.

మరో సంఘటనలో కాంగ్రెస్ నాయకురాలు సుప్రియా శ్రీనాతే, బీజేపీ ఎంపీ అభ్యర్ధి కంగనా రనౌత్ మీద చేసిన వ్యాఖ్యలూ వివాదానికి దారి తీసాయి. కంగనా రనౌత్ హిమాచల్ ప్రదేశ్‌లోని మండీ నియోజకవర్గం నుంచి పోటీ చేస్తున్నారు. మండీ అంటే మార్కెట్ అని సాధారణ అర్ధం. వేశ్యాగృహం అని నీచార్థం కూడా ఉంది. సినీనటి కంగనా రనౌత్‌కు మండీ టికెట్ కేటాయించినప్పుడు సుప్రియా ‘‘మార్కెట్లో రేటు ఎంతుందో ఎవరికైనా తెలుసా?’’ అంటూ సామాజిక మాధ్యమాల్లో పోస్ట్ చేసారు. దానిలోని నిందార్ధం ఎవరికైనా సులువుగా అర్ధమవుతుంది.

మొత్తం మీద మహిళలను అవమానించేలా కాంగ్రెస్ నాయకులు చేస్తున్న వ్యాఖ్యలు ప్రజలకు అసహ్యం కలిగిస్తున్నాయి.