Friday, March 01, 2024

Logo
Loading...
upload

మార్కెట్ న్యూస్

upload

అంచనాలను మించి వృద్ధిరేటు : స్టాక్ మార్కెట్ సూచీల పరుగులు

దేశీయ స్టాక్ మార్కెట్లు పరుగులు పెడుతున్నాయి. అంతర్జాతీయ మార్కెట్ల నుంచి అందిన సానుకూల సంకేతాలకుతోడు, దేశంలో వృద్ధిరేటు అంచనాలను మించిపోతుందనే వార్తలు రావడంతో స్టాక్ మార్కెట్లు భారీ లాభాలార్జించాయి. ప్రారంభంలోనే సెన్సెక్స్ 421 పాయింట్లు పెరిగి 72922 వద్ద మొదలైంది. నిప్టీ 146 పాయింట్లు పెరిగి 22128 వద్ద ట్రేడవుతోంది. రూపాయి స్వల్పంగా బలపడింది. డాలరుతో రూపాయి మారకం విలువ రూ.82.86కు చేరింది.



సెన్సెక్స్ 30 ఇండెక్సులో టాటా మోటార్స్, టాటా స్టీల్, మారుతీ, ఎస్‌బిఐ, మహీంద్రా అండ్ మహీంద్రా, జేఎస్‌డబ్ల్యూ స్టీల్, ఇండస్ ఇండ్ బ్యాంక్, ఎల్ అండ్ టీ, పవర్ గ్రిడ్, విప్రో షేర్లు లాభాల్లో ట్రేడవుతున్నాయి. ఏషియన్ పెయింట్స్, సన్‌ఫార్మా, ఇన్ఫోసిస్, నెస్లే ఇండియా షేర్లు నష్టాల్లో ఉన్నాయి.ఈ ఆర్థిక సంవత్సరం అక్టోబరు నుంచి డిసెంబరు త్రైమాసికంలో జీడీపీ 8.4 శాతం అనూహ్య వృద్ధి నమోదు చేసింది. దీంతో పెట్టుబడిదారులు స్టాక్స్ కొనుగోళ్లకు మొగ్గుచూపారు.

K Venkateswara Rao | 10:12 AM, Fri Mar 01, 2024

నష్టాలతో మొదలై లాభాల్లో ముగిసిన స్టాక్ మార్కెట్లు

దేశీయ స్టాక్ మార్కెట్లు లాభాల్లో ముగిశాయి. మధ్యాహ్నం వరకు నష్టాలను చవిచూసిన స్టాక్ మార్కెట్లు తరవాత లాభాల బాట పట్టాయి. అంతర్జాతీయ మార్కెట్ల నుంచి మిశ్రమ సంకేతాలు రావడంతో మార్కెట్లు ఒడిదుడుకులకు లోనయ్యాయి.మధ్యాహ్నం తరవాత పెట్టుబడిదారులు పెద్దఎత్తున కొనుగోళ్లకు మొగ్గుచూపారు. దీంతో దేశీయ స్టాక్ సూచీలు లాభాల్లో ముగిశాయి.


ఉదయం ప్రారంభంలోనే సెన్సెక్స్ నష్టాలతో 72723 పాయింట్ల వద్ద మొదలైంది. గరిష్ఠంగా 73161 పాయింట్లకు ఎగబాకింది. మార్కెట్లు ముగిసే సమయానికి 305 పాయింట్ల లాభంతో 73095 వద్ద ముగిసింది. నిప్టీ సైతం 76 పాయింట్లు పెరిగి 22198 వద్ద స్థిరపడింది. డాలరుతో రూపాయి విలువ 82.90కు దిగజారింది.


సెన్సెక్స్ 30 ఇండెక్సులో ఇండస్ ఇండ్ బ్యాంక్, టాటా మోటార్స్, టీసీఎస్, మహీంద్రా అండ్ మహీంద్రా, సన్ ఫార్మా, భారతీ ఎయిర్‌టెల్ షేర్లు లాభాలార్జించాయి. యాక్సిస్ బ్యాంక్, ఎన్‌టీపీసీ, ఎస్‌బీఐ, బజాజ్ ఫిన్ సర్వ్, బజాజ్ ఫైనాన్స్ షేర్లు నష్టాలను చవిచూశాయి. ముడిచమురు ధర స్వల్పంగా పెరిగి 82.69 డాలర్లకు చేరింది. స్వచ్ఛమైన గోల్డ్ ఔన్సు 2045 డాలర్ల వద్ద ట్రేడవుతోంది.

K Venkateswara Rao | 16:54 PM, Tue Feb 27, 2024

నష్టాల్లో మొదలైనా...భారీ లాభాల్లో ముగిసిన స్టాక్ మార్కెట్లు

స్టాక్ మార్కెట్లు భారీ లాభాల్లో ముగిశాయి. ప్రారంభంలో భారీ నష్టాలతో మొదలైనా పెట్టుబడిదారుల నుంచి కొనుగోళ్లకు మద్దతు లభించడంతో స్టాక్ సూచీలు భారీ లాభాలతో ముగిశాయి. తీవ్ర నష్టాల నుంచి సెన్సెక్స్ 1100 పాయింట్లు పెరిగింది. అంతర్జాతీయ మార్కెట్లలో ఒడిదుడుకున్నా, దేశీయ స్టాక్ మార్కెట్లు లాభాలను కొనసాగిస్తున్నాయి.


ప్రారంభంలో సెన్సెక్స్ 500 పాయింట్లకుపైగా నష్టాలతో మొదలైంది. మధ్యాహ్నం సమయానికి కొనుగోలుదారుల నుంచి గట్టి మద్దతు లభించింది. దీంతో మార్కెట్లు ముగిసే సమయానికి సెన్సెక్స్ 535 పాయింట్లు పెరిగి, 73256 వద్ద ముగిసింది. నిఫ్టీ 162 పాయింట్ల లాభంతో 22217 వద్ద క్లోజైంది.



సెన్సెక్స్ 30 ఇండెక్సులో రిలయన్స్, టీసీఎస్, ఐటీసీ, ఎల్ అండ్ టీ, మారుతీ సుజుకీ, యాక్సిక్ బ్యాంక్, టాటా స్టీల్, ఇన్ఫోసిస్, టాటా మోటార్స్ లాభాలార్జించాయి. కోటక్ మహీంద్రా బ్యాంక్, స్టేట్ బ్యాంక్ ఆఫ్ ఇండియా, భారతీ ఎయిర్‌టెల్, హిందూస్థాన్ యూనీలీవర్ కంపెనీలు నష్టాల్లో ముగిశాయి. రూపాయి విలువ స్వల్పంగా తగ్గింది. అమెరికా డాలరుతో రూపాయి విలువ రూ.82.84 వద్ద ట్రేడవుతోంది.

K Venkateswara Rao | 16:28 PM, Thu Feb 22, 2024

సెన్సెక్స్ సరికొత్త రికార్డు నమోదు

దేశీయ స్టాక్ మార్కెట్ల దూకుడు కొనసాగుతోంది. అంతర్జాతీయ మార్కెట్ల నుంచి అందిన సానుకూల సంకేతాలతో దేశీయ స్టాక్ సూచీలు దూసుకెళ్లాయి. ప్రారంభంలో స్వల్ప నష్టాలను చవిచూసినా తరవాత స్టాక్ మార్కెట్లు కోలుకున్నాయి. కీలకరంగాలకు పెట్టుబడిదారుల నుంచి మద్దతు లభించింది. సెన్సెక్స్, నిఫ్టీ సరికొత్త రికార్డులను నమోదు చేశాయి.



ఇవాళ సెన్సెక్స్ 349 పాయింట్లు పెరిగి, 73057 వద్ద ముగిసింది. సెన్సెక్స్ (sensex) ఇంట్రాడేలో 73వేల మార్కు దాడటం ఇదే మొదటిసారి. నిప్టీ 74 (nifty) పాయింట్లు పెరిగి 22196 వద్ద ముగిసింది. రూపాయి స్వల్పంగా బలపడింది. అమెరికా డాలరుతో రూపాయి మారకం విలువ 82.96గా నమోదైంది.



సెన్సెక్స్ 30 ఇండెక్సులో యాక్సిస్ బ్యాంక్, కోటక్ మహీంద్రా బ్యాంక్, పవర్ గ్రిడ్ కార్పొరేషన్, హెచ్‌డీఎఫ్‌సీ బ్యాంక్, టెక్ మహీంద్రా, బజాజ్ ఫైనాన్స్ షేర్లు లాభపడ్డాయి. మారుతీ సుజుకీ, ఐటీసీ, ఇన్ఫోసిస్, టాటా మోటార్స్, టాటా స్టీల్, హెచ్‌సీఎల్ టెక్నాలజీస్ కంపెనీల షేర్లు నష్టాలను చవిచూశాయి.

K Venkateswara Rao | 16:19 PM, Tue Feb 20, 2024

మూడో రోజూ లాభాల్లో స్టాక్ సూచీలు

అంతర్జాతీయ మార్కెట్ల నుంచి అందిన సాగుకూల సంకేతాలతో దేశీయ స్టాక్ మార్కెట్లు దూసుకెళుతున్నాయి. మూడో రోజు కూడా స్టాక్ సూచీలు లాభాలార్జించాయి. పెట్టుబడిదారుల నుంచి కొనుగోళ్లకు మద్దతు లభించడంతో దేశీయ స్టాక్ మార్కెట్లు లాభాల్లో ముగిశాయి.



ప్రారంభం నుంచి రోజంతా మార్కెట్లు ఒడుదొడుకులు ఎదుర్కొన్నా సాయంత్రానికి లాభాల్లో ముగిశాయి. సెన్సెక్స్ 227 పాయింట్ల లాభంతో 72050 వద్ద ముగిసింది. నిఫ్టీ 70 పాయింట్లు లాభ పడింది. నిఫ్టీ 21910 పాయింట్లకు చేరుకుంది.



సెన్సెక్స్ 30 ఇండెక్సులో ఎన్టీపీసీ, పవర్ గ్రిడ్ కార్పొరేషన్, మహీంద్రా అండ్ మహీంద్రా, ఎస్‌బిఐ, హెచ్‌డీఎఫ్‌సీ షేర్లు లాభాలార్జించాయి. ఐటీసీ, హిందుస్థాన్ యూనిలీవర్, యాక్సిస్ బ్యాంక్, నెస్లే ఇండియా, సన్ ఫార్మా కంపెనీల షేర్లు నష్టాలను చవిచూశాయి. అంతర్జాతీయ మార్కెట్లో ముడిచమురు ధర స్వలంగా దిగి వచ్చింది. బ్యారెల్ ముడి చమురు 81.24 డాలర్లకు తగ్గింది. బంగారం ధరలు (gold rate) కూడా తగ్గాయి. ఔన్సు బంగారం (ounce gold price) 2007 డాలర్లకు తగ్గింది. డాలరుతో రూపాయి విలువ 83.04 వద్ద ట్రేడవుతోంది.

K Venkateswara Rao | 16:28 PM, Thu Feb 15, 2024

Stock Markets : భారీ లాభాల్లో స్టాక్ మార్కెట్లు

స్వల్ప లాభాలతో మొదలైన స్టాక్ మార్కెట్ సూచీలు, భారీ లాభాలతో ముగిశాయి.ఉదయం 71292 పాయింట్ల వద్ద మొదలైన సెన్సెక్స్ రోజంతా లాభాల్లోనే కొనసాగింది. మార్కెట్ ముగిసే సమయానికి 482 పాయింట్ల లాభంతో 71555 వద్ద ముగిసింది. నిప్టీ 127 పాయింట్లు పెరిగి 21743 వద్ద ముగిసింది.అంతర్జాతీయ మార్కెట్ల నుంచి అందిన సానుకూల సంకేతాలతో దేశీయ స్టాక్ సూచీలు దూసుకెళ్లాయి.




సెన్సెక్స్ 30 ఇండెక్సులో యాక్సిస్ బ్యాంక్, విప్రో, ఐసీఐసీఐ బ్యాంక్, కోటక్ మహీంద్రా బ్యాంక్, ఎన్టీపీసీ కంపెనీల షేర్లు లాభపడ్డాయి. మహీంద్రా అండ్ మహీంద్రా, టైటాన్, అల్ట్రాటెక్, టాటా మోటార్స్, నెస్లే ఇండియా షేర్లు నష్టాలను చవిచూశాయి. డాలరుతో రూపాయి మారకం 83.01 వద్ద కొనసాగుతోంది. బ్యారెల్ ముడిచమురు స్వల్పంగా పెరిగి 82.58 డాలర్ల వద్ద ట్రేడవుతోంది. ఔన్సు బంగారం 2040 డాలర్ల వద్ద కొనసాగుతోంది.

K Venkateswara Rao | 17:45 PM, Tue Feb 13, 2024

గోల్డ్ బాండ్స్ విడుదలకు రంగం సిద్ధం

పెట్టుబడిదారుల ఆదరణ చూరగొన్న గోల్డ్ బాండ్స్ (gold bands) మరోసారి అందుబాటులోకి రానున్నాయి. ఈ నెల 12 నుంచి 16 వరకు ఐదు రోజులపాటు గోల్డ్ బాండ్స్ సబ్‌స్క్రయిబ్ చేసుకోవచ్చు. ఒక్కో గ్రాము బంగారం రూ.6263గా రిజర్వు బ్యాంకు నిర్ణయించింది. 2023-24 ఆర్థిక సంవత్సరంలో గోల్డ్ బాండ్స్ విడుదల చేయడం ఇది నాలుగో సారి కావడం గమనార్హం. ఆన్‌లైన్‌లో కొనుగోలు చేస్తే గ్రాముకు రూ.50 తగ్గింపు ఉంటుంది.


బంగారం కొనుగోళ్లు తగ్గించేందుకు కేంద్ర ప్రభుత్వం 2015లో గోల్డ్ బాండ్స్ అందుబాటులోకి తీసుకువచ్చింది. ఇందులో ఒక గ్రాము ఒక యూనిట్ కింద ఉంటుంది. గరిష్ఠంగా 4 కేజీల వరకు కొనుగోలు చేయవచ్చు. ట్రస్టులు 20 కేజీలు కొనుగోలుచేయవచ్చు. గోల్డ్ బాండ్ గడువు 8 ఏళ్లు. గడువు ముగియగానే అప్పటి ధర ప్రకారం డబ్బు చెల్లిస్తారు. ఐదేళ్లు కనీసం పథకంలో కొనసాగాలి. ఆ తరవాత ఎప్పుడైనా వైదొలగవచ్చు.

K Venkateswara Rao | 15:47 PM, Sat Feb 10, 2024

భారీ నష్టాల్లో ముగిసిన స్టాక్ సూచీలు

దేశీయ స్టాక్ మార్కెట్లు భారీ నష్టాలతో ముగిశాయి.రిజర్వు బ్యాంకు పరపతి విధాన నిర్ణయాలు మర్కెట్లను నిరుత్సాహానికి గురిచేశాయి. రెపోరేటు 6.5 శాతం వద్ద కొనసాగించడంతో పెట్టుబడిదారులు నిరుత్సాహానికి గురయ్యారు. ధరలు తగ్గించేందుకు, ద్రవ్యోల్భణం అదుపు చేసేందుకు ఆర్బీఐ తీసుకున్న చర్యలు కూడా పెట్టుబడిదారులను ఆకర్షించలేదు. 4 శాతంపైగా రిటైల్ ద్రవ్యోల్భణం ఉండటం పెట్టుబడిదారులను ఆందోళనకు గురిచేసింది.


ఉదయం నుంచి మార్కెట్లు ఊగిసలాటల మధ్య కొనసాగాయి. ఓ సమయంలో 900 పాయింట్లుపైగా నష్టపోయిన సెన్సెక్స్, తరవాత కొద్దిగా కోలుకుంది. చివరకు 723 పాయింట్ల నష్టంతో 71428 వద్ద ముగిసింది. నిఫ్టీ 212 పాయింట్లు కోల్పోయి, 21717 వద్ద క్లోజైంది.



సెన్సెక్స్ 30 ఇండెక్సులో కోటక్ మహీంద్రా బ్యాంక్, ఐసీఐసీఐ బ్యాంక్, ఐటీసీ, నెస్లే ఇండియా, యాక్సిస్ బ్యాంక్ నష్టపోయాయి. పవర్ గ్రిడ్ కార్పొరేషన్, టీసీఎస్, ఎస్‌బీఐ, రియలన్స్ షేర్లు లాభాలార్జించాయి. డాలరుతో రూపాయి మారకం విలువ 82.95గా ఉంది. ఆసియా మార్కెట్లు మిశ్రమ ఫలితాలు చవిచూశాయి.ఔన్సు బంగారం ధర 2050 డాలర్లకు దిగి వచ్చింది. ముడిచమురు బ్యారెల్ 79.35 వద్ద ట్రేడవుతోంది.

K Venkateswara Rao | 16:27 PM, Thu Feb 08, 2024

వడ్డీరేట్లు యథాతథం

రిజర్వ్ బ్యాంక్ కీలక వడ్డీరేట్లు ప్రకటించింది. ఆర్థిక విశ్లేషకులు ఊహించిన విధంగానే రెపోరేటును యథాతథంగా కొనసాగించారు. గతంలో ఉన్న 6.5 శాతం వద్దే రెపోరేటు కొనసాగిస్తున్నట్లు రిజర్వ్ బ్యాంక్ గవర్నర్ శక్తికాంత దాస్ ప్రకటించారు.మన వృద్ది రేటు అందరి అంచనాలను దాటనుందని ఆర్భీఐ గవర్నర్ తెలిపారు.



దేశంలో పరిశ్రమలకు అనుకూల వాతావరణం నెలకొనడంతో, ఆర్థిక కార్యకలాపాలు వేగంగా ఉన్నట్లు చెప్పారు. ఆహార ధరలు పెరగడం ఆందోళన కలిగిస్తోంది. రిటైల్ ద్రవ్యోల్భణంపై ఆహార ధరలు ప్రభావం చూపుతున్నాయి.రిటైల్ ద్రవ్యోల్భణాన్ని 4 శాతం లోపునకు తీసుకువచ్చే ప్రయత్నం జరుగుతోందని ఆర్భీఐ గవర్నర్ చెప్పారు. ఈ ఏడాది ప్రపంచ దేశాల వృద్ది ఆశాజనకంగా ఉంటుందని అంచనా వేశారు.




కేంద్ర ప్రభుత్వ మూలధన వ్యయం గణనీయంగా పెంచడంతో పెట్టుబడులు భారీగా వస్తున్నాయని ఆర్బీఐ గవర్నర్ శక్తికాంత దాస్ వెల్లడించారు. పట్టణాల్లో కొనుగోలు శక్తి వేగంగా పెరుగుతోందని, గ్రామీణ ప్రాంతాల్లోనూ గిరాకీ పెరుగుతోందన్నారు. వచ్చే ఆర్థిక సంవత్సరంలో జీడీపీ వృద్ధిరేటు 7.5 శాతంగా అంచనా వేశారు.

K Venkateswara Rao | 12:12 PM, Thu Feb 08, 2024

సెన్సెక్స్ సరికొత్త రికార్డు...అంతలోనే లాభాల స్వీకరణ

దేశీయ స్టాక్ మార్కెట్లలో జోష్ కొనసాగుతోంది. సార్వత్రిక ఎన్నికల వేళ ప్రజాకర్షక పథకాలుంటాయని, పరిశ్రమల రాయితీలకు కోత పడుతుందని చాలా మంది అంచనా వేశారు. వారి అంచనాలు తప్పాయి.బడ్జెట్లో మూలధన వ్యయానికి భారీ కేటాయింపులు చేయడం పెట్టుబడిదారులను ఆకర్షించింది.



ఉదయం భారీ లాభాలతో మొదలైన స్టాక్ మార్కెట్ సూచీలు, 2 గంటల సమయానికి జీవితకాల గరిష్ఠాలను (sensex lifetimehigh) తాకాయి. ఒక దశలో సెన్సెక్స్ 1400 పాయింట్లు లాభపడింది.73089 పాయింట్ల జీవితకాల గరిష్టాలను తాకింది. చివరకు 440 పాయింట్ల లాభంతో 72085 వద్ద ముగిసింది. నిఫ్టీ 156 పాయింట్ల లాభంతో 21853 వద్ద క్లోజైంది.



సెన్సెక్స్ 30 ఇండెక్స్‌లో ఎన్టీపీసీ, టాటాస్టీల్, టీసీఎస్, పవర్‌గ్రిడ్ కార్పొరేషన్ షేర్లు లాభపడ్డాయి. హిందుస్థాన్ యూనిలీవర్, హెచ్‌డీఎఫ్‌సీ బ్యాంక్, ఇండస్ ఇండ్ బ్యాంక్, ఎల్ అండ్ టీ షేర్లు నష్టాలను చవిచూశాయి. రూపాయి బలపడి 82.91వద్ద కొనసాగుతోంది. ముడిచమురు ధరలు స్వల్పంగా దిగి వచ్చాయి. బ్యారెల్ 79 డాలర్ల వద్ద ట్రేడవుతోంది. బంగారం ధర పరుగులు పెట్టింది. ఔన్సు బంగారం 2070 డాలర్లుకు ఎగబాకింది.

K Venkateswara Rao | 16:09 PM, Fri Feb 02, 2024

upload
upload

టెక్ న్యూస్

upload

Air India New Look: ఎయిర్ ఇండియా కొత్త లుక్

ఎయిర్ ఇండియా కొత్త యజమాని టాటా గ్రూప్‌, ఇటీవల సంస్థ చిహ్నం, విమానాల రూపురేఖల్లో మార్పులు చేసింది. ఈ విమానాల ఫస్ట్‌ లుక్‌ను తాజాగా సోషల్ మీడియాలో షేర్ చేసింది.

ఫ్రాన్స్‌లోని టౌలోసి వర్క్‌షాప్‌లో కొత్త లోగో, డిజైన్‌తో సరికొత్తగా తీర్చిదిద్దిన ఏ350 విమానం ఫొటోలను ఎయిరిండియా తన ఎక్స్‌ ఖాతాలో షేర్‌ చేసింది. ఈ శీతాకాలంలో ఏ350 విమానాలను భారత్ తీసుకురానున్నట్లు తెలిపింది.

‘ది విస్టా’ అని పిలిచే కొత్త లోగోలో బంగారు రంగు మహారాజా మస్కట్‌ విండో ఫ్రేమ్‌ను ఉంచారు. అపరిమిత అవకాశాలు, ప్రగతిశీలత, భవిష్యత్తుపై విమానయాన సంస్థకు ఉన్న విశ్వాసం, ధైర్యానికి సంకేతంగా ఈ కొత్త లోగోను రూపొందించినట్లు కంపెనీ తెలిపింది. లోగో కోసం ‘ఎయిర్‌ ఇండియా శాన్స్‌’ అనే కొత్త ఫాంట్‌ను డిజైన్‌ చేశారు. విమానాల డిజైన్‌ను ఎరుపు, ఊదా, బంగారు రంగు డిజైన్‌లతో మార్చారు.

ఎయిర్ ఇండియా ఫ్లీట్‌లోని పాత విమానాలన్నింటినీ ఈ కొత్త డిజైన్‌లోకి మారుస్తామని సంస్థ ప్రకటించింది. ఇందుకోసం 40 కోట్ల డాలర్లు ఖర్చవుతుందని సమాచారం. 2025 నాటికి ఎయిరిండియాలోని అన్ని విమానాలను కొత్త లోగోలోకి మార్చనున్నట్లు కంపెనీ తెలిపింది.

P Phaneendra | 11:32 AM, Sat Oct 07, 2023

SBI : అందుబాటులోకి ఎస్‌బి‌ఐ డిజిటల్ రూపీ

ప్రభుత్వరంగ దిగ్గజ బ్యాంక్ స్టేట్ బ్యాంక్ ఆఫ్ ఇండియా డిజిటల్ రూపీని అందుబాటులోకి తీసుకువచ్చింది. ఇక నుంచి యూపీఐ ఇంటర్ ఆపరేబిలిటీ సదుపాయాన్ని వినియోగించుకోవచ్చు. క్యూఆర్ కోడ్ స్కాన్ చేసి డిజిటల్ రూపీ చెల్లింపులు చేయవచ్చు. ఎస్‌బిఐ ఇ- యాప్ వాడుతున్న వారు యూపీఐ స్కాన్ చేసి చెల్లింపులు చేయవచ్చని బ్యాంకు అధికారులు ప్రకటించారు.

ఇప్పటికే హెచ్‌డీఎఫ్‌సీ, కెనరా బ్యాంక్, యాక్సిస్ బ్యాంక్, యెస్ బ్యాంకులు ఈ సదుపాయాన్ని అందుబాటులోకి తెచ్చాయి. తాజాగా ప్రభుత్వరంగ దిగ్గజ బ్యాంకు ఎస్‌బిఐ కూడా ఇ- రూపీని అందుబాటులోకి తీసుకువచ్చింది. ఇప్పటికే క్యూ ఆర్ కోడ్ ఉపయోగిస్తున్న వారు డిజిటల్ రూపీని వినియోగించుకోవచ్చు.

డిజిటల్ కరెన్సీ ఇ-రూపీని ఆర్‌బిఐ గతేడాది ఫైలట్ ప్రాజెక్టుగా తీసుకువచ్చింది. ముందుగా వ్యాపారులకు, తరవాత సామాన్య వినియోగదారులకు అందుబాటులోకి తీసుకొచ్చేలా ఫైలట్ ప్రాజెక్టు చేపట్టారు. ఇప్పటికే అరడజనుకుపైగా బ్యాంకులు ఇ-రూపీని అందుబాటులోకి తీసుకువచ్చాయి. ఎంపిక చేసిన కస్టమర్ల ద్వారా ఈ ఫైలెట్ ప్రాజెక్టును అమలు చేస్తున్నారు.

K Venkateswara Rao | 15:34 PM, Mon Sep 04, 2023

G-20MEET : భారత ఆర్థిక వ్యవస్థకు డిజిటల్ బూస్ట్

డిజిటల్ పబ్లిక్ ఇన్‌ఫ్రాస్ట్రక్చర్, డిజిటల్ ఎకానమీ, డిజిటల్ స్కేలింగ్ భారత్ ప్రాధాన్య అంశాలని కేంద్రమంత్రి అశ్విని వైష్ణవ్ అన్నారు. బెంగళూరు వేదికగా జరుగుతున్న జీ-20 డిజిటల్ ఎకానమీ వర్కింగ్ గ్రూపు మంత్రుల సమావేశంలో పాల్గొన్న కేంద్రమంత్రి అశ్విని వైష్ణవ్, .. భారత ప్రాధాన్యాంశాలు ప్రధాని మోదీవిశాల థృక్పదానికి నిదర్శమన్నారు.

అందరికీ విశ్వాసం, రక్షణ, సమానత్వం పెంపొందించేలా డిజిటల్ ఆర్థిక వ్యవస్థను పెంపొందించడమే భారత్ అజెండా అని వివరించారు. సాంకేతిక పరిజ్ఞానం విస్తృతీకరణను ప్రధాని నమ్ముతారన్న కేంద్రమంత్రి వైష్ణవ్.. ఎన్నో ఆవిష్కరణలకు బెంగళూరు పుట్టినిల్లు అని కొనియాడారు. ప్రపంచప్రఖ్యాత టెక్ కంపెనీల కార్యకలాపాలకు నిలయంగా మారిన విషయాన్ని గుర్తు చేశారు.   

డిజిటల్ ఎకానమీ వృద్ధికి అనేక దేశాలు సహకరించుకోవడానికి జి-20  సమావేశం దోహదం చేస్తుందన్నారు. చర్చల ద్వారా సమస్యలకు వినూత్న పరిష్కారాలు, సహకార వ్యూహాల గురించి తెలుసుకోవచ్చు అని అభిప్రాయపడ్డారు.

అంతకు ముందు డిజిటల్ ఎకానమీ పై ప్రసంగించిన ప్రధాని మోదీ, భారత్ లో 85 కోట్ల మంది ఇంటర్నెట్ వినియోగిస్తున్నరని, ప్రపంచదేశాల కంటే  అత్యంత చౌక ధరకే అందజేస్తున్నట్లు తెలిపారు. జన్ ధన్ అకౌంట్లు, ఆధార్, మొబైల్ వాడకంలో విప్లవాత్మకమైన మార్పులు చోటుచేసుకున్నట్లు వివరించిన ప్రధాని మోదీ.. ప్రతినెలా  యూపీఐల ద్వారా పదిబిలియన్లలావాదేవీలు జరుగుతున్నాయని వెల్లడించారు.  వీటిలో 45 శాతం గ్లోబల్ రియల్ టైమ్ పేమెంట్లు ఉన్నాయని చెప్పారు. టెక్నాలజీని భారత్ అందిపుచ్చుకుందని చెప్పడానికి ఆదే నిదర్శనమన్నారు. పన్నుల వ్యవస్థ ప్రక్రియను డిజిటలైజేషన్ చేయడంతో పారదర్శకత పెరిగిందన్నారు.  


T Ramesh | 18:00 PM, Sat Aug 19, 2023

చైనాను కాదని బారత్ లో ఐఫోన్-15 తయారీ..!

భారత్‌లో ఐఫోన్ -15ను భారీఎత్తున తయారు చేసేందుకు ప్రముఖ టెక్ దిగ్గజం యాపిల్ సిద్ధమైనట్లు తెలుస్తోంది. ఐఫోన్‌ల తయారీలో ప్రధాన దేశమైన చైనాకు యాపిల్ ఉత్పత్తుల తయారీ, సరఫరా, అమ్మకాలు, సర్వీసింగ్ వంటి విభాగాల్లో కీలమైన భారత్‌కు మధ్య అంతరాన్ని తగ్గించేందుకు ఈ నిర్ణయం తీసుకున్నట్లు తెలుస్తోంది. తమిళనాడు పెరంబదూర్ కేంద్రంగా ఫాక్స్‌కాన్ టెక్నాలజీ గ్రూప్ ప్లాంట్లో గతంలో కంటే ఎక్కవగానే ఈ లేటెస్ట్ వెర్షన్ ఐఫోన్‌లను తయారు చేయనుంది. చైనాలో తయారైన యాపిల్ ప్రొడక్ట్ లు ఇతర దేశాలకు దిగుమతి చేసిన వారం రోజుల తర్వాత ఈ ప్రక్రియ ప్రారంభం అవుతుంది.   చైనాలో సప్లై చైన్ సమస్యలు, అమెరికా-చైనాల మధ్య తగ్గిపోతున్న వ్యాపార సంబంధాలు, అదే సమయంలో తయారీ కేంద్రంగా ప్రధాని మోదీ వ్యూహాత్మకంగా అమెరికాతో సన్నిహిత సంబంధాలు ఏర్పరుచుకున్నారు. భారత్ ను తయారీ కేంద్రంగా మలుచుకోవాలని టెక్ దిగ్గజాలను కోరారు.

చైనాలో సప్లై చైన్ సమస్యలతో యాపిల్ తన తయారీని భారత్‌కు తరలించాలని నిర్ణయించింది. కాబట్టే గత ఏడాదిలో భారత్‌లో తయారైన యాపిల్ ఐఫోన్ షిప్మెంట్ విలువ 65 శాతం పెరిగింది. ఐఫోన్ల ఎగుమతుల విలువ 162 శాతం పెరిగిందంటూ సౌత్ ‌చైనా మార్నింగ్ పోస్ట్ తెలిపింది. ఈ నివేదికను కోడ్ చేస్తూ ప్రముఖ మార్కెట్ సంస్థ కౌంటర్ పాయింట్ మరో రిపోర్టును వెలుగులోకి తెచ్చింది. 2022లో భారత్ లో మొత్తం స్మార్ట్ ఫోన్ షిప్ మెంట్ విలువలో యాపిల్ కు 25 శాతం వాటాను కలిగి ఉందని తెలిపింది.

ప్రపంచవ్యాప్తంగా 85 శాతం ఐఫోన్‌లను చైనానే తయారు చేస్తుందని సౌత్ చైనా మార్నింగ్ పోస్టు నివేదికలో టెక్నాలజీ రిపోర్టర్ జిన్నీ షెన్ తెలిపారు. అయినప్పటికీ యాపిల్ తన తయారీని చైనా నుంచి భారత్ కు తరలించాలని భావిస్తున్నందున బీజింగ్ తన ఆధిపత్యాన్ని కోల్పోయే ప్రమాదం ఉందని నిపుణులు అభిప్రాయపడుతున్నారు.


T Ramesh | 18:28 PM, Wed Aug 16, 2023

Laptops Import Ban : ల్యాప్‌ట్యాప్‌లు, ట్యాబులు, పీసీల దిగుమతులపై ఆంక్షలు

కేంద్ర ప్రభుత్వం కీలక నిర్ణయం తీసుకుంది. ల్యాప్‌ట్యాప్‌లు, ట్యాబులు, పీసీల దిగుమతులపై ఆంక్షలు విధించింది. ఈ ఆంక్షలు తక్షణమే అమల్లోకి వస్తాయని ప్రకటించింది. అయితే ల్యాప్‌ట్యాప్‌లు, ట్యాబులు, పీసీల దిగుమతులకు కొన్ని మినహాయింపులు కూడా ఇచ్చింది. సరైన అనుమతులు ఉంటే వీటిని దేశంలోకి తీసుకురావచ్చని తెలిపింది.

హెచ్‌ఎస్‌ఎల్ 8741 కింద దిగుమతి చేసుకునే ల్యాప్‌ట్యాప్‌లు ట్యాబులు పీసీలు, అల్ట్రా స్మాల్ ఫామ్ ఫ్యాక్టర్ కంప్యూటర్లు, సర్వర్ల దిగుమతులపై ఆంక్షలు అమలు చేస్తున్నట్టు ఓ ప్రకటనలో కేంద్ర వాణిజ్య పరిశ్రమల మంత్రిత్వ శాఖ వెల్లడించింది. 

బ్యాగేజీ రూల్స్ కింద తీసుకువచ్చే ల్యాప్‌ట్యాప్‌లు, ట్యాబులు, పీసీలపై మాత్రం ఎలాంటి ఆంక్షలు లేవు. కానీ సరైన పత్రాలు చూపాల్సి ఉంటుంది. విదేశాల్లో కొనుగోలు చేసిన ల్యాప్‌ట్యాప్‌లు, ట్యాబులు, పీసీలకు సంబంధించి కస్టమ్స్ శాఖ వారికి సరైన పత్రాలు చూపిస్తే అనుమతిస్తామని కేంద్రం స్పష్టం చేసింది. 

ఇక ఆన్‌లైన్లో కొనుగోలు చేసుకునే ల్యాప్‌ట్యాప్‌లు, ట్యాబులు, పీసీలపై ఎలాంటి ఆంక్షలు లేవని కేంద్రం తెలిపింది. పరిశోధన, అభివృద్ధి, బెంచ్‌మార్కింగ్, రిపేర్లు, రీ ఎక్స్‌పోర్ట్, ప్రోడక్ట్ డెవలప్‌మెంట్ కోసం దిగుమతి చేసుకునే వాటికి కూడా ఈ ఆంక్షలు వర్తించవు. అయితే రీసెర్చ్ డెవలప్‌మెంట్ పని పూర్తయిన తరవాత తిరిగి వాటిని విదేశాలకు పంపడం లేదా ధ్వంసం చేయడం చేయాలని కేంద్రం షరతులు విధించింది. 

Editor | 14:54 PM, Thu Aug 03, 2023

upload
upload

ఆటో న్యూస్

upload
బైకుల విక్రయాల్లో టాప్ ప్లేస్ లో రాయల్‌ ఎన్‌ఫీల్డ్

బైకుల విక్రయాల్లో రాయల్ ఎన్ ఫీల్డ్ కంపెనీ అమ్మకాల జోరును మరోసారి కొనసాగించింది. ఈ త్రైమాసికంలో రాయల్ ఎన్ ఫీల్డ్ సంస్థ 2,29,496 బైకులను విక్రయించి రికార్డు క్రియేట్ చేసింది.

గతేడాది  త్రైమాసికంతో పోల్చితే ఈ ఏడాది అమ్మకాలు 13 శాతం పెరిగాయి.  రాయల్ ఎన్ ఫీల్డ్ సంస్థ ఆగస్టులో 77,583 బైకులు అమ్మగా, సెప్టెంబరులో 78,580 విక్రయించింది. క్లాసిక్ 350 బైకును ఆధునికీకరించి కొత్త వెర్షన్ ను విడుదల చేయడం కంపెనీకి బాగా కలిసివచ్చింది. దీని తర్వాత స్థానంలో మెటియోర్ 350, హంటర్ బైకుల అమ్మకాలు ఉన్నాయి.

T Ramesh | 06:29 AM, Sun Nov 12, 2023

Elon Musk:  ఎక్స్(ట్విట్టర్) లో పోస్టు చేయాలంటే నెలవారీ ఛార్జీ చెల్లించాల్సిందేనా..?

సంచలనాత్మక నిర్ణయాలతో అందరినీ ఆశ్చర్యానికి గురిచేసే ప్రపంచ కుబేరుడు ఎలన్‌మస్క్, ఎక్స్(ట్విట్టర్) లో ఉచిత సేవలు నిలిపివేయాలని భావిస్తున్నారట. ఏదైనా సమాచారాన్ని పోస్టు చేయాలన్నా, ఇతరులతో పంచుకోవాలన్నా పెయిడ్ సబ్ క్రిప్షన్ తీసుకోవాల్సిందేనట. అంటే ఎక్స్ ను ఉపయోగించాలంటే నెలవారీ ఛార్జీలు చెల్లించాల్సిందే. నకిలీ అకౌంట్లకు చెక్ పెట్టడమే లక్ష్యంగా  ఎలన్ మస్క్  ఈ నిర్ణయం తీసుకోబోతున్నారనే ప్రచారం సాగుతోంది.

ఇజ్రాయిల్ ప్రధాని బెంజిమిన్ నెతన్యాహు తో ఆన్‌లైన్ లో సంభాషించిన ఎలన్ మస్క్,  ఎక్స్ గురించి మాట్లాడారు. ప్రతినెలా 550 మిలియన్ల మంది ఎక్స్ ను ఉపయోగిస్తున్నారని రోజుకు 100 నుంచి 200 మిలియన్ పోస్టులు చేస్తున్నారని ప్రకటించారు. అయితే ఇందులో నిజమైన ఖాతాదారుల ఎంతో మందో నకిలీ ఖాతాలో ఎన్నో సరైన లెక్కలు లేవు.  ఆర్టి ఫిషియల్ ఇంటిలిజెన్స్ లాంటి కొత్త టెక్నాలజీ కీలకంగా మారిన సమయంలో ఎక్స్(ట్విట్టర్)లో సంస్కరణలు చేపట్టాలని ప్రాథమికంగా నిర్ణయించారు.

విద్వేష ప్రసంగాల పోస్టులకు అడ్డుకట్ట వేసేందుకు చర్యలు చేపట్టినట్లు తెలుస్తోంది.  ట్విట్టర్ ను 44 బిలియన్ డాలర్లకు కొనుగోలు చేసిన ఎలన్ మస్క్ అందులో చెప్పుకోదగిన స్థాయిలో మార్పులు తీసుకొచ్చారు. నిషేధిత ఖాతాలను యాక్టివ్  చేశారు. అమెరికా మాజీ అధ్యక్షుడు డోనాల్డ్ ట్రంప్ ఖాతాను పునరుద్ధరించారు. అలాగే ప్రముఖు ఖాతాలకు ఉపయోగించే బ్లూమార్క్ ను కూడా తొలగించారు.

కొన్ని రోజులుగా ట్విటర్ ఆదాయం తగ్గిపోయిందనే ప్రచారం జరుగుతోంది. యాడ్ సేల్స్ కూడా తగ్గిపోయాయని, దీంతో నష్ట నివారణ చర్యలు చేపట్టిన మస్క్, పోస్టుకు డబ్బులు వసూలు చేయాలనే ఆలోచన చేస్తున్నట్లు చెబుతున్నారు.

T Ramesh | 15:29 PM, Tue Sep 19, 2023

ఆ కారు ధర 76 లక్షలు

బీఎండబ్ల్యూ భారత్‌లో మరో కొత్త స్పోర్ట్స్ కారును విడుదల చేసింది. 630ఐ ఎం స్పోర్ట్‌ సిగ్నేచర్‌ పేరిట వస్తున్న కారును భారత్‌లోనే తయారు చేసారు. చెన్నై ప్లాంట్‌లో దీన్ని ఉత్పత్తి చేస్తున్నట్లు కంపెనీ తెలిపింది. ‌కేవలం పెట్రోల్‌ వేరియంట్‌లో విడుదల చేసిన ఈ కారు ధర రూ.75.90 లక్షలు మాత్రమే.

బీఎండబ్ల్యూ 630ఐ ఎం స్పోర్ట్‌ సిగ్నేచర్‌లో 2-లీటర్‌-4-సిలిండర్‌ పెట్రోల్‌ ఇంజిన్‌ ఉంది. ఇది 100 కిలోమీటర్ల వేగాన్ని కేవలం 6.5 సెకన్లలోనే అందుకుంటుంది. కీలెస్‌ ఎంట్రీ, ఇన్ఫోటైన్‌మెంట్‌ టచ్‌స్క్రీన్‌, రిమోట్‌ పార్కింగ్‌ అసిస్ట్‌ ఫీచర్లు ఉన్నాయి. వెనుక సీట్లకు వేరేగా ఎంటర్‌టైన్‌మెంట్ స్క్రీన్లు ఉన్నాయి. రివర్స్‌ కెమెరా, అత్యాధునిక సౌండ్‌ సిస్టమ్‌ ఉన్నాయి. ఆరు ఎయిర్‌బ్యాగ్‌లు, అన్ని సీట్లకు త్రీపాయింట్‌ సీట్‌ బెల్ట్‌లు వంటి సేఫ్టీ ఫీచర్స్ ఈ కారు సొంతం.

P Phaneendra | 17:42 PM, Mon Sep 11, 2023

upload
upload

ప్రాపర్టీస్ న్యూస్

upload

ఇళ్ల నిర్మాణానికి బడ్జెట్లో పెద్దపీట

దేశంలో పేదలు, మధ్యతరగతి వారి ఇళ్ల నిర్మాణానికి కేంద్ర ప్రభుత్వం పెద్దపీట వేసింది. ఎన్డీయే అధికారంలోకి వచ్చాక ఇప్పటికే 2 కోట్ల ఇళ్ల నిర్మాణం పూర్తి చేసిందని, మరో కోటి ఇళ్లు నిర్మిస్తామని కేంద్ర ఆర్థిక మంత్రి నిర్మలా సీతారామన్ ప్రకటించారు. పేదలు, మధ్యతరగతి వారి సొంతింటి కల నెరవేర్చేందుకు హౌసింగ్ స్కీం తీసుకొస్తున్నట్లు మంత్రి వెల్లడించారు.



ఇప్పటికే పేదల ఇళ్ల నిర్మాణం కోసం ఏర్పాటు చేసిన పీఎం ఆవాస్ యోజన పథకం కొనసాగుతుందని నిర్మలా సీతారామన్ స్పష్టం చేశారు. త్వరలో మూడు కోట్ల ఇళ్ల నిర్మాణ లక్ష్యం చేరుకుంటామన్నారు. పెరుగుతున్న జనాభాకు అనుగుణంగా మరో కోటి ఇళ్లు నిర్మిస్తామని చెప్పారు.



కరెంటు బిల్లుల నుంచి ఉపశమనం

విద్యుత్ బిల్లుల భారం తగ్గించేందుకు కోటి ఇళ్లకు నెలకు 300 యూనిట్ల ఉచిత విద్యుత్ ఇచ్చే పథకం ప్రకటించారు. ఇంటిపైకప్పుపై ఏర్పాటు చేసుకునేలా సోలారైజేషన్ స్కీమ్ తెస్తున్నట్లు తెలిపారు. దీని వల్ల ఏటా పేదలపై రూ.15 వేల కోట్ల భారం తగ్గనుంది. ఇప్పటికే ఈ పథకాన్ని ప్రధాని మోదీ అయోధ్య రామమందిర ప్రారంభోత్సవం వేళ ప్రకటించారు.

K Venkateswara Rao | 14:40 PM, Thu Feb 01, 2024

ఈ ఆర్థిక సంవత్సరంలో ప్రత్యక్ష పన్నుల వసూళ్లు రూ.19 లక్షల కోట్లు

ప్రత్యక్ష పన్నుల వసూళ్లలో గణనీయమైన వృద్ధి నమోదైంది. ఇప్పటి వరకు ప్రత్యక్ష పన్నుల (direct taxes) వసూళ్లలో 20 శాతం వృద్ధి నమోదైంది. ఇదే ట్రెండ్ కొనసాగితే ఆర్థిక సంవత్సరం ముగిసే సమయానికి ప్రత్యక్ష పన్నుల వసూళ్లు రూ.19 లక్షల కోట్లకు చేరుకుంటాయని ఆర్థిక నిపుణులు అంచనా వేస్తున్నారు. నరేంద్ర మోదీ ప్రధాని అయ్యాక చేపట్టిన సంస్కరణల వల్లే పన్నుల వసూళ్లు దూసుకెళుతున్నాయనే విశ్లేషణలు వెలువడుతున్నాయి.

2013-14లో ప్రత్యక్ష పన్నుల వసూళ్లు రూ.6.38 లక్షల కోట్లు కాగా గత ఆర్థిక సంవత్సవరంలో రూ.16.61 లక్షల కోట్లు వసూలయ్యాయి. ప్రస్తుత ఆర్థిక సంవత్సరంలో రూ.19 లక్షల కోట్లకు చేరుకోవచ్చనే అంచనాలున్నాయి.మినహాయింపులు వదులుకుంటోన్న కార్పొరేట్లకు తక్కువ పన్ను పరిధిలోకి తీసుకురావడంతో గడచిన మూడేళ్లలో పన్నుల వసూళ్లు గణనీయంగా పెరిగాయి.

వ్యక్తిగత ఆదాయపన్ను పరిమితిని రూ.3 లక్షలకు పెంచారు. రూ.50 వేల స్టాండర్డ్ డిడక్షన్ కూడా ఉంది. పదేళ్ల కిందట 3.36 కోట్ల ఐటీఆర్‌లు దాఖలు కాగా తాజాగా అక్టోబర్ 2023 చివరి నాటికి 7.41 కోట్లకు చేరింది. వీరిలో 53 లక్షలు కొత్తవి కావడం విశేషం. జీఎస్టీ వసూళ్లు కూడా వేగంగా పెరుగుతున్నాయి. గత ఏప్రిల్ మాసంలో రూ.1.87 లక్షల కోట్లు వసూలయ్యాయి.

K Venkateswara Rao | 14:12 PM, Fri Dec 29, 2023

upload
upload

అంతర్జాతీయం

upload

ప్రపంచంలోనే అత్యంత సంపన్నుడిగా బెర్నార్డ్ ఆర్నాల్డ్

ప్రపంచ కుబేరుల జాబితాలో అందరిని వెనక్కునెట్టి బెర్నార్డ్ ఆర్నాల్డ్ నెంబర్ వన్‌గా నిలిచారు. విలాస వస్తువులు విక్రయించే ఎల్‌వీఎంహెచ్ ఛైర్మన్, సీఈవోగా వ్యవహరిస్తోన్న ఆర్నాల్డ్ (richest people in the world) ప్రపంచ కుబేరుడిగా అవతరించాడు. ఇప్పటి వరకు నెంబర్‌న్‌గా ఉన్న టెస్లా అధినేత ఎలాన్ మస్క్‌ రెండో స్థానానికి దిగజారాడు. ఫోర్బ్స్ మ్యాగ‌జైన్ తాజాగా విడుదల చేసి రియల్‌టైమ్ బిలియనీర్స్ జాబితాలో ఆర్నాల్డ్ మొదటి స్థానంలో నిలిచారు. ఆయన, వారి కుటుంబ సభ్యుల నికర ఆస్తుల విలువ 207.8 బిలియన్ డార్లకు చేరింది. టెస్లా అధినేత ఎలాన్ మస్క్ 204.7 బిలియన్ డాలర్ల సంపదతో రెండో స్థానంలో నిలిచారు.

ప్రపంచ కుబేరుల జాబితాలో భారత పారిశ్రామిక దిగ్గజం రిలయన్స్ ఇండస్ట్రీస్ అధినేత ముకేశ్ అంబానీ 11వ స్థానంలో నిలిచారు. ముకేశ్ అంబానీ ఆస్తులు 104.4 బిలియన్ డాలర్లుగా ఉంది. ఇక గౌతమ్ అదానీ ఆస్తుల విలువ 75.7 బిలియన్ డాలర్లుగా ఉంది. అదానీ 16 స్థానానికి దిగజారారు.

K Venkateswara Rao | 09:48 AM, Mon Jan 29, 2024

ఫ్లిప్‌కార్టు నుంచి వైదొలిగిన బిన్నీ బన్సల్, కొత్త వెంచర్ ప్రారంభం

ఫ్లిప్‌కార్ట్ తో ఆ కంపెనీ సహ వ్యవస్థాపకుడు బిన్నీ బన్సల్ అధికారికంగా తెగతెంపులు చేసుకున్నాడు. ఆయన ప్రారంభించిన కొత్త వెంచర్ విషయంలో బోర్డు సభ్యులతో విభేదాలు పొడచూపడంతో రాజీనామా చేశారు. తన రాజీనామా విషయాన్ని బోర్డు సభ్యులకు వారం ముందే తెలిపిన బిన్నీ, నేడు  రాతపూర్వకంగా అందజేశారు. కంపెనీలోని తన వాటాను వాల్ మార్ట్ కు విక్రయించినట్లు కొన్ని నివేదికలు పేర్కొన్నాయి.

సచిన్ బన్సల్, బిన్నీ బన్సల్ కలిసి 2007లో బెంగళూరు వేదికగా ఫ్లిప్ కార్ట్ ఈ కామర్స్ కంపెనీని స్థాపించారు.   నవీ అనే ఫిన్ టెక్ వెంచర్ ఏర్పాటు కోసం కొన్ని ఏళ్ల కిందట ఫ్లిప్ కార్డ్ ను విడిచిపెట్టిన  సచిన్ బన్సాల్ వలే ఇతను కూడా కొత్త వెంచర్ ఏర్పాటు చేసుకున్నాడు. బన్నీ బన్సల్ జనవరి 2 OppDoor పేరిట ఈ- కామర్స్ స్టార్టప్ ప్రారంభించారు. ఈ కామర్స్ కంపెనీలు ప్రపంచవ్యాప్త మార్కెట్లో నిలదొక్కుకునేందుకు అవసరమైన సేవలను ఈ వెంచర్ అందిస్తారు.

గత 16 ఏళ్ళగా ఫ్లిప్ కార్డు సాధించిన విజయాలకు గర్వపడుతున్నట్లు తెలిపిన బిన్నీ బన్సల్,  కంపెనీ ప్రస్తుతం పటిష్ఠంగా ఉందన్నారు. కంపెనీకి మంచి నాయకత్వం, స్పష్టమైన లక్ష్యం ఉన్నందునే తాను ఫ్లిప్ కార్టు నుంచి వైదొలుగుతున్నట్లు వివరించారు.

బిన్నీ, ఫ్లిప్ కార్డు నుంచి నిష్క్రమించడంపై ఆ కంపెనీ సీఈవో, బోర్డు సభ్యుడు కళ్యాణ్ కృష్ణమూర్తి స్పందించారు. బిన్నీ అనుభవం, వ్యాపార మెళుకువులు అమూల్యమైనవి అన్నారు. బిన్నీ తదుపరి ప్రాజెక్టులో ప్రారంభిస్తున్నందును శుభాకాంక్షలు తెలియజేస్తున్నామన్నారు.

T Ramesh | 17:13 PM, Sat Jan 27, 2024

మహాదేవ్ బెట్టింగ్ యాప్ ప్రమోటర్ దుబాయ్‌లో పట్టివేత

మహాదేవ్ బెట్టింగ్ యాప్ ప్రమోటర్ దుబాయ్‌లో పట్టివేత

Mahadev betting app promoter detained in Dubai

మహాదేవ్ బెట్టింగ్ యాప్ ఇద్దరు ప్రమోటర్స్‌లో ఒకరైన రవి ఉప్పల్ దుబాయ్‌లో దొరికాడు. భారతదేశపు ఎన్‌ఫోర్స్‌మెంట్ డైరెక్టరేట్‌ విజ్ఞప్తి మేరకు యాప్ ప్రమోటర్స్ కోసం ఇంటర్‌పోల్‌ రెడ్‌కార్నర్‌ నోటీసు జారీ చేసింది. దాని ఆధారంగా రవి ఉప్పల్‌ను దుబాయ్ పోలీసులు అదుపులోకి తీసుకున్నారు. అతన్ని త్వరలోనే భారతదేశానికి తరలిస్తారని తెలుస్తోంది.

మహాదేవ్ బెట్టింగ్ యాప్ రోజుకు దాదాపు 200కోట్ల లాభాలు ఆర్జిస్తోందని సమాచారం. ఈ యాప్ నిర్వహణలో పలు లోపాలు, చట్ట ఉల్లంఘనలూ ఉన్నాయి. అంతేకాదు, యాప్ ప్రమోటర్లు ఛత్తీస్‌గఢ్ మాజీ ముఖ్యమంత్రి భూపేష్ బఘేల్‌కు 508 కోట్లు చెల్లించారని ఈడీకి అసీమ్‌దాస్‌ అనే ఒక కొరియర్ సమాచారం ఇచ్చాడు. ఆ విషయం గత నెలలో జరిగిన శాసనసభ ఎన్నికల్లో రాజకీయ ప్రకంపనలు సృష్టించింది. అయితే ఆ కొరియర్, కోర్టులో మాట మార్చాడు. తాను ఏ రాజకీయవేత్తకూ డబ్బులు చేరవేయలేదనీ, తనను కుట్రలో ఇరికించారనీ ఆరోపించాడు.

ప్రమోటర్ రవి ఉప్పల్ కోసం జరిపిన దర్యాప్తులో ఈడీ, అతనికి భారత పాస్‌పోర్ట్‌తో పాటు వనౌతు అనే చిన్న దేశపు పాస్‌పోర్ట్ కూడా ఉందని కనుగొంది. ఆ పాస్‌పోర్ట్‌తోనే రవి ప్రపంచమంతా తిరుగుతున్నాడని గ్రహించింది.

మహాదేవ్ యాప్ మరో ప్రమోటర్ సౌరభ్ చంద్రాకర్ ఇంకా దొరకలేదు, అతనికోసం ఈడీ అన్వేషణ కొనసాగుతోంది. ఈ యేడాది ఫిబ్రవరిలో సౌరభ్ పెళ్ళి దుబాయ్‌లో జరిగింది. దానికి 200 కోట్లు ఖర్చుపెట్టాడు. ఆ పెళ్ళికి పలువురు బాలీవుడ్ సెలబ్రిటీలు కూడా హాజరయ్యారు.

రవి ఉప్పల్, సౌరభ్ చంద్రాకర్ ఇద్దరూ ఛత్తీస్‌గఢ్‌లోని భిలాయ్‌ నగరానికి చెందినవారు. కానీ యాప్‌ను మాత్రం దుబాయ్‌ నుంచి నడిపిస్తున్నారు. ఈ యాప్‌కు అనుబంధంగా మరిన్ని బెట్టింగ్ యాప్‌లు కూడా నిర్వహిస్తున్నారు. వాటికి అవసరమైన కాల్ సెంటర్స్‌ని భారత్, మలేసియా, థాయ్‌లాండ్‌, యూఏఈ నుంచి నడిపిస్తున్నారు. భారతదేశంలో ఛత్తీస్‌గఢ్‌ సహా పలు ప్రాంతాల్లో సుమారు 30 కాల్ సెంటర్స్ ఉన్నాయి.

యాప్ నిర్వాహకులైన రవి ఉప్పల్, సౌరభ్ చంద్రాకర్‌లకు ఛత్తీస్‌గఢ్‌ పోలీసులు, బ్యురోక్రాట్‌లు, రాజకీయ నాయకులతో సన్నిహిత సంబంధాలున్నాయని ఈడీ కనుగొంది. తమ యాప్‌లపై ఎలాంటి దర్యాప్తూ జరగకుండా ఉండేందుకు వారికి క్రమం తప్పకుండా భారీ మొత్తాలు చెల్లిస్తూ ఉంటారని ఈడీ వివరించింది.

ఈ కేసులో ఈడీ ఇప్పటికి సునీల్ దమానీ, అనిల్ దమానీ, ఏఎస్సై చంద్రభూషణ్ వర్మ, ఒక కానిస్టేబుల్, సతీష్ చంద్రాకర్ అనే ఆరుగురిని అరెస్ట్ చేసింది.

P Phaneendra | 13:23 PM, Wed Dec 13, 2023

చాట్ జీపీటీ  సీఈవోకు ఉద్వాసన పలికిన బోర్డు

విశ్వాసం కోల్పోయాడంటూ చాట్ జీపీటీ సీఈవో శామ్ ఆల్ట్‌మన్‌(ChatGPT Open AI CEO Sam Altman )ను  ఆ కంపెనీ బోర్డు ఆఫ్ డైరక్టర్స్ తొలగించారు. బాధ్యతలు సక్రమంగా నిర్వర్తించడం లేదని తెలిపారు. అతడి స్థానంలో కంపెనీ చీఫ్ టెక్నాలజీ ఆఫీసర్ గా విధులు నిర్వహిస్తున్న  మీరా మురాటి(Mira Murati) తాత్కాలిక సీఈవో(interim CEO)గా బాధ్యతలు చేపడతారని కంపెనీ పేర్కొంది.

పరిశోధన, ఉత్పత్తి, భద్రత విభాగాలకు  ప్రస్తుతం అధిపతిగా ఉన్న మీరాకు వృత్తిపరంగా సుదీర్ఘ అనుభవం ఉంది. శుక్రవారం సమావేశమైన ఓపెన్ ఏఐ సంస్థ బోర్డు ఈ నిర్ణయం తీసుకుంది. బోర్డుతో జరుగుతున్న చర్చల్లో ఆల్ట్‌మన్ నిజాయితీ పాటించడం లేదని బోర్డు తీసుకునే నిర్ణయాలకు అడ్డుపడుతున్నాడని, అతడి సామర్థ్యంపై నమ్మకం లేదు అని బోర్డు పేర్కొంది. తక్షణమే తమ నిర్ణయం అమలులోకి వస్తుందని స్పష్టం చేసింది.

తన తొలగింపుపై ఆల్ట్‌మన్ ఎక్స్ వేదికగా స్పందించారు. ఓపెన్ ఏఐలో పనిచేయడాన్ని తాను ఎంతో ఇష్టపడతానన్నారు. ప్రతిభావంతులతో కలిసి పనిచేయడాన్ని ఆస్వాదిస్తానన్న ఆల్ట్‌మన్, 8 ఏళ్ళ కిందట తన అపార్టుమెంటులో తామందరం కలిసి నిర్మించిన దాని గురించి గర్విస్తున్నట్లు పేర్కొన్నారు.

మిస్సౌరీలో జన్మించిన స్టాన్‌ఫోర్డ్ డ్రాపౌట్ అయిన ఆల్ట్‌మన్ గతేడాది విడుదల చేసిన చాట్‌జీపీటీ తో విపరీతమైన స్టార్‌డమ్ సంపాదించారు. టెక్ దిగ్గజం ఓపెన్ ఏఐ బిలియన్ డాలర్లు పెట్టుబడి పెట్టింది. ఇప్పుడు ఈ సాంకేతికతను మైక్రోసాఫ్ట్ తన బింగ్ సెర్చ్ఇంజిన్ లో వినియోగిస్తోంది.

శామ్ ఆల్ట్‌మన్ సీఈవో బాధ్యతల నుంచి తొలగించిన గంటల వ్యవధిలో ఓపెన్ ఏఐ సహ వ్యవస్థాపకుడు, గ్రెగ్ బ్రాక్‌మన్ తన పదవికి రాజీనామా చేశారు. ఆల్టమన్ ను తొలగించిన కారణంగానే తాను కూడా కంపెనీ నుంచి వైదొలుగుతున్నట్లు గ్రెగ్ తెలిపారు.

T Ramesh | 10:50 AM, Sat Nov 18, 2023

ఐదు నెలల కనిష్టానికి దిగి వచ్చిన ద్రవ్యోల్భణం

నిత్యావసరాల ధరలు పెరిగాయని జనం గగ్గోలు పెడుతుంటే, తాజాగా కేంద్రం ప్రకటించిన రిపోర్ట్ మాత్రం ధరలు తగ్గాయని సూచిస్తోంది. దేశంలో ధరలను ప్రతిబింబించే ద్రవ్యోల్భణం (inflation) దిగివచ్చింది. తాజా రిపోర్టుల ప్రకారం దేశంలో ద్రవ్యోల్భణం ఐదు నెలల కనిష్టానికి తగ్గింది.తృణధాన్యాలు, పండ్లు, పప్పుల ధరలు పెరగ్గా, వంటనూనెలు, ఇంధన ధరలు దిగివచ్చాయి. వినియోగదారుల ద్రవ్యోల్భణం తొమ్మిది పెద్ద రాష్ట్రాల్లో జాతీయ సగటు కన్నా ఎక్కువగా నమోదైంది.

జాతీయ సగటుకన్నా ఎక్కువ ఉన్న రాష్ట్రాల్లో రాజస్థాన్, హర్యానా, గుజరాత్, తెలంగాణ ఉన్నాయి. వీటిలో రెండు రాష్ట్రాల్లో అసెంబ్లీ ఎన్నికలు జరగనుండటం అధికార పార్టీలను కలవరపెడుతోంది.ఏడు రాష్ట్రాల్లో గ్రామీణ ద్రవ్యోల్భణం జాతీయ సగటు కంటే ఎక్కువగా నమోదైంది.

బిహార్, హర్యానా, జార్ఖండ్, కర్ణాటక, ఛత్తీస్‌గఢ్, ఢిల్లీ, మధ్యప్రదేశ్, తమిళనాడు, జమ్మూ కాశ్మీర్‌లలో మాత్రం గ్రామీణ ద్రవ్యోల్భణం జాతీయ సగటు కంటే తక్కువ నమోదైంది. అక్టోబరు మాసంలో ఇంధనం, వంట నూనెల ధరలు దిగివచ్చాయి. కూరగాయలు, రవాణా, కమ్యూనికేషన్స్‌ ధరల్లో స్వల్ప పెరుగుదల నమోదైంది.

అభివృద్ధి చెందిన దేశాల్లో ద్రవ్యోల్భణం తీరుపై ది ఎకనామిస్ట్ పత్రిక ఓ కథనాన్ని ప్రచురించింది. 2022లో కంటే, ఈ ఏడాది ద్రవ్యోల్భణం స్థిరంగా ఉందని తెలిపింది. అమెరికా, కెనడా, ఇంగ్లండ్, ఆస్ట్రేలియా దేశాల్లో ద్రవ్యోల్భణం సవాల్ విసురుతోందని తెలిపింది. ఇటలీ, స్పెయిన్, జపాన్, దక్షిణ కొరియా దేశాల్లో మెరుగ్గా ఉందని ప్రచురించింది.

K Venkateswara Rao | 15:28 PM, Tue Nov 14, 2023

No fuel for Flights:  పెట్రోలు లేక ఆగిపోయిన 48 విమానాలు

పాకిస్తాన్ ఆర్థిక పరిస్థితి రోజురోజుకు మరింత దిగజారుతోంది. ఇప్పటికే ఆహార భ్రదత, నిరుద్యోగం, ఉగ్రవాదంతో అల్లాడుతున్న పాకిస్తాన్, తాజాగా మరిన్ని కఠిన పరిస్థితులు ఎదుర్కుంటుంది. నిధుల లేమితో ఫ్యూయల్ నింపలేని పరిస్థితుల్లో విమాన సర్వీసులను రద్దు చేసుకోవాల్సిన దారుణ పరిస్థితిలోకి వెళ్ళింది.

పాక్ ఇంటర్నేషనల్ ఎయిర్‌లైన్స్‌(పీఐఏ)కు చెందిన 48 జాతీయ, అంతర్జాతీయ విమానాలు, విమానాశ్రయాలకు పరిమితమయ్యాయి. ఫ్యూయల్ కొరత కారణంగా విమానాలు రద్దు చేయాల్సి వచ్చిందని, మరికొన్నింటినీ రీషెడ్యూల్ చేశామన్నారు. ఇప్పటి వరకు 13 దేశీయ, 11 అంతర్జాతీయ విమాన సర్వీసులు రద్దు చేసినట్లు చెప్పారు. రద్దు చేసిన విమానాలకు సంబంధించి ప్రయాణికులకు ప్రత్యామ్నాయ ఏర్పాట్లు చేసినట్లు తెలిపారు.    మరో 12 విమాన సర్వీసుల షెడ్యూల్ మార్చగా, 16 విమానాలను పూర్తిగా రద్దు చేసినట్లు పేర్కొన్నారు.

 ప్రభుత్వ చమురు సంస్థ(పీఎస్‌వో) పీఐఏకు ఇంధన సరఫరా నిలిపివేయడంతో ఈ సంక్షోభం తలెత్తింది. రుణభారం పెరగడంతో పీఐఏను ను ప్రైవేటు పరం చేసే ఆలోచనలు చేస్తున్నారు.  ప్రస్తుతం రోజువారీ ఖర్చుల కోసం రూ.23 బిలియన్ల సాయం కావాలని పీఐఏ, పాకిస్తాన్ ప్రభుత్వాన్ని కోరింది. కానీ ఆర్థిక సంక్షోభం కారణంగా ప్రభుత్వం నిరాకరించింది.

పాకిస్తాన్ తన చరిత్రో అత్యంత దారుణమైన ఆర్థిక సంక్షోభాన్ని ఎదుర్కోంటుంది. ఆ దేశంలో ద్రవ్యోల్బణం 21.3 శాతానికి చేరుకుంది. విదేశీ  మారక ద్రవ్య నిల్వలు దాదాపు 10 బిలియన్ డాలర్ల వద్ద అత్యత తక్కువ స్థాయిలో ఉన్నాయి.

T Ramesh | 13:15 PM, Wed Oct 18, 2023

Swiss Bank : ఖాతాదారుల ఐదో జాబితా విడుదల చేసిన స్విస్ బ్యాంక్

బ్లాక్ మనీకి అడ్డాగా ఉన్న స్విస్ బ్యాంక్, ఖాతాదారుల వివరాలతో ఐదో జాబితాను భారత్‌కు అందించింది. సమాచార మార్పిడి ఒప్పందంలో భాగంగా స్విస్ బ్యాంక్ ఈ జాబితాను అందించింది. ఈ జాబితాలో వ్యాపారులు, ట్రస్టులకు చెందిన వేలాది ఖాతాదారుల వివరాలు ఉన్నాయని కేంద్ర ప్రభుత్వం ప్రకటించింది. ఐదో జాబితాలో 104 దేశాలకు చెందిన 36 లక్షల ఖాతాల వివరాలను స్విస్ బ్యాంక్ విడుదల చేసింది.

తాజా జాబితాలో ఖాతాదారుల వివరాలు, ఖాతాదారుడి పేరు, చిరునామా, ఖాతా సంఖ్య, ఎంత మొత్తం నగదు నిల్వ ఉంచారు, నివాసం, ట్యాక్స్ నెంబరు వివరాలు ఉన్నట్లు తెలుస్తోంది. స్విస్ బ్యాంక్ ఇచ్చిన వివరాల ఆధారంగా ఉగ్రవాద కార్యకలాపాలు, మనీలాండరింగ్, పన్ను ఎగవేతలు, ఇతర నేరాలను వెలికితీసే అవకాశం ఉంది. స్విస్ బ్యాంక్ సమర్పించిన వివరాలను ఐటీ శాఖ అధికారులు తనిఖీ చేయనున్నారు. 

K Venkateswara Rao | 17:33 PM, Mon Oct 09, 2023

STOCK MARKET: భారీ నష్టాల్లో స్టాక్ మార్కెట్.. రూ. 5.4లక్షల కోట్ల సంపద ఆవిరి

దేశీయ స్టాక్ మార్కెట్లు ఈరోజు భారీ నష్టాల్లో ముగిశాయి. ఈ రోజు ట్రేడింగ్ ముగిసే సమయానికి సెన్సెక్స్ 570 పాయింట్లు నష్టపోయి 66,230కి దిగజారింది. నిఫ్టీ 159 పాయింట్లు కోల్పోయి 19,742కి దిగజారింది. అంతర్జాతీయ ప్రతికూలతలతో మదుపర్లు తీవ్రంగా నిరాశపడ్డారు. 

సోమవారం 242 పాయింట్లు కోల్పోయిన సెన్సెక్స్ , బుధవారం నాడు 796 పాయింట్లు, గురువారం 570 పాయింట్లు క్షీణించింది. వారంలో 1,608 పాయింట్లు నష్టపోయింది. గణేశ్ చతుర్థి సందర్భంగా స్టాక్ మార్కెట్‌కు మంగళవారం సెలవు ప్రకటించారు. బీఎస్ఈ లిస్టెడ్ కంపెనీల మార్కెట్ క్యాపిటలైజేషన్ రూ. 318 కోట్లకు తగ్గగా, పెట్టుబడుల దారుల 5.4 లక్షల కోట్ల సంపద కరిగిపోయింది. యూఎస్ ఫెడరల్ గతరాత్రి  ఎలాంటి వడ్డీరేట్లు పెంచలేదు. ఈ ఏడాది 25 బేసిస్ పాయింట్ల రేటు పెంపుతో పాటు, వచ్చే సంవత్సరం లో 50 పాయింట్లు తగ్గించాలనే అంచనా వేసింది.

T Ramesh | 17:54 PM, Thu Sep 21, 2023

Elon Musk:  ఎక్స్(ట్విట్టర్) లో పోస్టు చేయాలంటే నెలవారీ ఛార్జీ చెల్లించాల్సిందేనా..?

సంచలనాత్మక నిర్ణయాలతో అందరినీ ఆశ్చర్యానికి గురిచేసే ప్రపంచ కుబేరుడు ఎలన్‌మస్క్, ఎక్స్(ట్విట్టర్) లో ఉచిత సేవలు నిలిపివేయాలని భావిస్తున్నారట. ఏదైనా సమాచారాన్ని పోస్టు చేయాలన్నా, ఇతరులతో పంచుకోవాలన్నా పెయిడ్ సబ్ క్రిప్షన్ తీసుకోవాల్సిందేనట. అంటే ఎక్స్ ను ఉపయోగించాలంటే నెలవారీ ఛార్జీలు చెల్లించాల్సిందే. నకిలీ అకౌంట్లకు చెక్ పెట్టడమే లక్ష్యంగా  ఎలన్ మస్క్  ఈ నిర్ణయం తీసుకోబోతున్నారనే ప్రచారం సాగుతోంది.

ఇజ్రాయిల్ ప్రధాని బెంజిమిన్ నెతన్యాహు తో ఆన్‌లైన్ లో సంభాషించిన ఎలన్ మస్క్,  ఎక్స్ గురించి మాట్లాడారు. ప్రతినెలా 550 మిలియన్ల మంది ఎక్స్ ను ఉపయోగిస్తున్నారని రోజుకు 100 నుంచి 200 మిలియన్ పోస్టులు చేస్తున్నారని ప్రకటించారు. అయితే ఇందులో నిజమైన ఖాతాదారుల ఎంతో మందో నకిలీ ఖాతాలో ఎన్నో సరైన లెక్కలు లేవు.  ఆర్టి ఫిషియల్ ఇంటిలిజెన్స్ లాంటి కొత్త టెక్నాలజీ కీలకంగా మారిన సమయంలో ఎక్స్(ట్విట్టర్)లో సంస్కరణలు చేపట్టాలని ప్రాథమికంగా నిర్ణయించారు.

విద్వేష ప్రసంగాల పోస్టులకు అడ్డుకట్ట వేసేందుకు చర్యలు చేపట్టినట్లు తెలుస్తోంది.  ట్విట్టర్ ను 44 బిలియన్ డాలర్లకు కొనుగోలు చేసిన ఎలన్ మస్క్ అందులో చెప్పుకోదగిన స్థాయిలో మార్పులు తీసుకొచ్చారు. నిషేధిత ఖాతాలను యాక్టివ్  చేశారు. అమెరికా మాజీ అధ్యక్షుడు డోనాల్డ్ ట్రంప్ ఖాతాను పునరుద్ధరించారు. అలాగే ప్రముఖు ఖాతాలకు ఉపయోగించే బ్లూమార్క్ ను కూడా తొలగించారు.

కొన్ని రోజులుగా ట్విటర్ ఆదాయం తగ్గిపోయిందనే ప్రచారం జరుగుతోంది. యాడ్ సేల్స్ కూడా తగ్గిపోయాయని, దీంతో నష్ట నివారణ చర్యలు చేపట్టిన మస్క్, పోస్టుకు డబ్బులు వసూలు చేయాలనే ఆలోచన చేస్తున్నట్లు చెబుతున్నారు.

T Ramesh | 15:29 PM, Tue Sep 19, 2023

ED RAIDS: మహాదేవ్ బెట్టింగ్ యాప్ నిర్వాహకుల అరెస్టు.. రూ.417 కోట్లు సీజ్

మహదేవ్ ఆన్‌లైన్ బెట్టింగ్ యాప్ నిర్వాహకుల కార్యాలయాల్లో ఈడీ అధికారులు సోదాలు నిర్వహించారు. మనీ ల్యాండరింగ్‌తో పాటు చట్టవ్యతిరేక చర్యలకు పాల్పడుతున్నారనే ఆరోపణలతో ఈడీ అధికారులు తనిఖీలు చేపట్టారు. కోల్‌కతా, బోపాల్, ముంబై లో సోదాలు నిర్వహించి సాక్ష్యాలను సంపాదించారు. అలాగే లెక్కలు చూపని రూ.417 కోట్ల నగదు సీజ్ చేశారు.

ఆన్‌లైన్ బెట్టింగ్‌ను ప్రోత్సహించడంతో పాటు అక్రమంగా పోగు చేసిన నగదును హవాలా మార్గంలో మళ్ళించినట్లు ఈడీ దర్యాప్తులో తేలింది. బినామీ బ్యాంకు ఖాతాలు తెరవడం నుంచి బెట్టింగ్ చేసేందుకు వెబ్‌సైట్ లో యూజర్ ఐడీ, పాస్ వర్డ్స్ తయారు చేయడం వరకు మహదేవ్ యాప్ నిర్వాహకులు చేస్తున్నట్లు విచారణలో తేలింది.

ఛత్తీస్‌గఢ్ రాష్ట్రంలోని భిలాయ్‌కు చెందిన సౌరభ్ చంద్రశేఖర్, రావి ఉప్పల్ యాప్ ప్రధాన నిర్వాహకులుగా ఉన్నారని, దుబాయి కేంద్రంగా కార్యకలాపాలకు పాల్పడుతున్నారని ఈడీ పేర్కొంది. కొత్త వారిని బెట్టింగ్ వైపు ఆకర్షించేందుకు వెబ్‌సైట్లలో ప్రకటనలు ఇవ్వడంతో పాటు పెద్దమొత్తంలో నగదును విదేశీ బ్యాంకులకు మళ్లించి సొమ్ము చేసుకున్నారని పేర్కొన్నారు.

ఛత్తీస్‌గఢ్‌లో తనిఖీలు నిర్వహించిన ఈడీ అధికారులు, బెట్టింగ్ సిండికేట్ లో కీలకంగా వ్యవహరిస్తున్న నలుగురిని అరెస్టు చేశారు. దేశ వ్యాప్తంగా 39 చోట్ల సోదాలు నిర్వహించి రూ. 417 కోట్ల నగదు సీజ్ చేశారు. తదుపరి విచారణను విదేశాల్లో నిర్వహించేందుకు సిద్ధమయ్యారు. పరారీలో ఉన్న నిందితులను పట్టుకునేందుకు పీఎంఎల్ఏ కోర్టు నాన్ బెయిలబుల్ వారెంట్ జారీ చేసింది

T Ramesh | 16:54 PM, Fri Sep 15, 2023

upload
upload