అమెరికాలోని టెక్సాస్ లో ఘోరం జరిగింది. రోడ్డు ప్రమాదంలో అమలాపురం వాసులు ఐదుగురు ప్రాణాలు విడిచారు. మృతులంతా ఒకే కుటుంబానికి చెందిన వారు. ముమ్మిడివరం ఎమ్మెల్యే పొన్నాడ సతీశ్ చిన్నాన్న నాగేశ్వరరావు, ఆయన భార్య సీతామహాలక్ష్మి, కుమర్తె నవీనగంగ, మనవడు, మనవరాలు ప్రమాదంలో గాయపడి మరణించారు.
నాగేశ్వరరావు అల్లుడు తీవ్రంగా గాయపడి ఆస్పత్రిలో చికిత్స పొందుతున్నాడు. నాగేశ్వరరావు ఆయన కుటుంబ సభ్యులు, కారులో టెక్సాస్ నుంచి డల్లాస్ వెళుతుండగా జాన్సన్ కౌంటీ దగ్గర ఎదురుగు వస్తున్న మరో వాహనం ఢీకొట్టడంతో ప్రమాదం జరిగింది. ఒకే కుటుంబానికి చెందిన ఐదుగురు రోడ్డు ప్రమాదంలో మృతి చెందడంతో అమలాపురంలో విషాద వాతావరణం నెలకొంది.
