జేఈఈ (మెయిన్) -2025-26 విద్యా సంవత్సరానికి సంబంధించి షెడ్యూల్‌ను నేషనల్ టెస్టింగ్ ఏజెన్సీ (NTA) విడుదల చేసింది. రెండు సెషన్లుగా ఈ పరీక్షలు జరగనున్నాయి.
జనవరిలో జేఈఈ సెషన్ -1 ను, ఏప్రిల్ లో సెషన్ -2ను నిర్వహించనున్నట్లు ఎన్టీఏ తెలిపింది. అక్టోబర్ 28 నుంచి నవంబర్ 22 వరకు జనవరి సెషన్‌కి సంబంధించి దరఖాస్తులను ఆన్‌లైన్ లో స్వీకరించనుంది. ఈ సెషన్‌కు సంబంధించి 2025 జనవరి 22 నుంచి 31 వరకు పరీక్షలు నిర్వహించనుంది. ఫలితాలను ఫిబ్రవరి 12 లోగా విడుదల చేయనున్నట్లు ఎన్టీఏ పేర్కొంది.
