వరల్డ్ కప్ ల ప్రైజ్ మనీకి సంబంధించి అంతర్జాతీయ క్రికెట్ మండలి (ఐసీసీ) కీలక ప్రకటన చేసింది. వచ్చే నెలలో ప్రారంభమయ్యే మహిళల టీ20 ప్రపంచ కప్- 2024 నుంచి అన్ని ప్రపంచ కప్‌లలో పురుషుల జట్టుతో సమానంగా మహిళల టీమ్ కు ప్రైజ్ మనీ ఉంటుందని తెలిపింది.
వచ్చే నెలలో జరగనున్న ఉమెన్స్ టీ20 ప్రపంచకప్ ప్రైజ్ మనీని ఏకంగా 225 శాతం మేర పెచ్చింది. దీంతో టోర్నీ మొత్తం ప్రైజ్ మనీ 7,958,000 డాలర్లకు ( భారత కరెన్సీ మేరకు సుమారు రూ.66.64 కోట్లు) చేరింది.
క్రికెట్ చరిత్రలో ఈ నిర్ణయం కీలకమైన మైలురాయి అని ఐసీసీ పేర్కొంది. మహిళా క్రీడాకారులకు ప్రోత్సాహాన్ని ఇస్తుందని పేర్కొంది. ఐసీసీ ప్రకటనతో మహిళల టీ20 ప్రపంచ కప్ విజేత జట్టు నగదు బహుమతి భారతీయ కరెన్సీలో రూ.19.6 కోట్లుగా ఉండనుంది.
