దేశంలో ప్రముఖ టెలికాం సంస్థ జియో సేవల్లో అంతరాయం ఏర్పడింది. జియో మొబైల్, జియో ఫైబర్ సేవలకు అంతరాయం ఏర్పడటంతో వినియోగదారులు సోషల్ మీడియాలో పోస్టులు పెడుతున్నారు. ముఖ్యంగా ప్రధాన నగరాలైన ముంబై, ఢిల్లీ, హైదరాబాద్‌లో అంతరాయం కలిగినట్లు తెలుస్తోంది. సేవల అంతరాయానికి కారణాలు తెలియరాలేదు. దీనిపై కంపెనీ ప్రతినిధులు కూడా స్పందించలేదు.
డౌన్ డి డిటెక్టర్ వెబ్‌సైట్ కథనం ద్వారా జియో సేవల్లో అంతరాయం కలిగినట్లు ప్రకటించింది. జియో సేవలు నిలిచిపోవడంపై ఇప్పటి వరకు 10 వేల ఫిర్యాదులు అందాయని డౌన్ డి డిటెక్టర్ తెలిపింది. తెలుగు రాష్ట్రాల్లో కూడా జియో సేవలకు అంతరాయం ఏర్పడింది.
