విమానాశ్రయాలకు, పాఠశాలలకు బాంబు బెదిరింపులు ఎక్కువయ్యాయి. తాజాగా ముంబై నుంచి తిరువనంతపురం బయలుదేరిన విమానానికి బాంబు బెదిరింపు వచ్చింది. విమానంలో బాంబులు పెట్టామంటూ ఫైలెట్‌కు సమాచారం రావడంతో, తిరువనంతపురం అంతర్జాతీయ విమానాశ్రయ సిబ్బందిని అలర్ట్ చేశారు. వెంటనే తిరువనంతపురం విమానాశ్రయంలో అత్యవసర పరిస్థితి విధించారు.
విమానం ఉదయం ల్యాండింగ్ కాగానే ప్రత్యేక ప్రదేశానికి తరలించారు. బ్యాగేజీ చెక్ చేస్తున్నారు. ప్రస్తుతానికి ఎలాంటి పేలుడు పదార్ధాలు దొరకలేదు. విమానంలో 135 మంది ప్రయాణీకులున్నారు. అందరూ సురక్షితంగా ఉన్నట్లు అధికారులు తెలిపారు.
