తిరుమలలో వైభవంగా శ్రావణ ఉపాకర్మ పూజలు నిర్వహించారు. శ్రావణ పౌర్ణమి సందర్భంగా తిరుమల తిరుపతి దేవస్థానంలో ఇవాళ ఉదయం శ్రావణ ఉపాకర్మ వైభవంగా నిర్వహించారు. ముందుగా శ్రీకృష్ణస్వామి వారిని భూ వరాహస్వామి వారి ఆలయానికి ఊరేగింపుగా తీసుకువచ్చారు. భూ వరాహ ఆలయంలో స్వపన తిరుమంజనం నిర్వహించారు.
పంచామృతాలు, పసుపు, చందనంతో స్వామి వారికి అభిషేకం చేశారు. అనంతరం స్వామి వారికి ఆస్థానం నిర్వహించారు. పూజల తరవాత స్వామి వారిని ఆలయానికి ఊరేగింపుగా తీసుకువచ్చారు. వేలాది మంది భక్తులు ఊరేగింపులో పాల్గొన్నారు.
తిరుమలలో రద్దీ సాధారణంగా ఉంది. సోమవారంనాడు తిరుమలలో స్వామి వారి ( tirumala tirupati devastanam) దర్శనానికి 8 గంటల సమయం పడుతోంది. ఆదివారం స్వామి వారిని 68 వేల మంది భక్తులు దర్శించుకున్నారు. 23 వేల మంది తలనీలాలు సమర్పించారు.
