పారిస్ ఒలింపిక్స్ లో హాకీ భారత పురుషుల జట్టు సెమీఫైనల్లోకి ప్రవేశించింది. క్వార్టర్ ఫైనల్ మ్యాచ్ లో బ్రిటన్ జట్టును ఓడించి సెమీస్ కు వెళ్ళింది. మ్యాచ్ లో నిర్ణీత సమయానికి స్కోర్ 1-1తో సమమైంది. దీంతో విజేతను తేల్చేందుకు పెనాల్టీ షూటౌట్ నిర్వహించారు. పెనాల్టీ షూటౌట్ లో భారత్ 4-2తో నెగ్గడంతో సెమీస్ లో ప్రవేశించింది.
భారత గోల్ కీపర్ శ్రీజేశ్ ప్రత్యర్థి జట్టు దాడులను అడ్డుకున్నాడు. పెనాల్టీ షూటౌట్ లో బ్రిటన్ ను తీవ్రంగా నిరాశపరిచాడు. అంతకుముందు నిర్ణీత సమయంలో భారత్ తరఫున కెప్టెన్ హర్మన్ ప్రీత్ సింగ్, బ్రిటన్ తరఫున లీ మోర్టన్ చెరొక గోల్ చేశారు. పారిస్ ఒలింపిక్స్ లో హర్మన్ ప్రీత్ సింగ్ కు ఇది ఏడో గోల్.
పెనాల్టీ షూటౌట్ లో భారత్ తరఫున కెప్టెన్ హర్మన్ ప్రీత్, సుఖ్ జీత్, లలిత్, రాజ్ కుమార్ గోల్ సాధించడగా, బ్రిటన్ జట్టులో జేమ్స్ అల్బరీ, వాలెస్ స్కోర్ చేశారు.
