క్రికెటర్ విరాట్ కోహ్లి బెంగళూరు చిన్నస్వామి స్టేడియం సమీపంలోని కస్తూర్భా రోడ్డులో నిర్వహిస్తోన్న వన్ 8 కమ్యూన్‌పై పోలీసులు కేసు నమోదు చేశారు. అర్థరాత్రి ఒంటిగంట దాటిన తరవాత కూడా భారీ శబ్దాలతో సంగీతం హోరు రావడంతో స్థానికులు పోలీసులకు ఫిర్యాదు చేశారు. దీంతో తనిఖీలు చేసిన బెంగళూరు పోలీసులు పబ్ మేనేజర్‌ను అదుపులోకి తీసుకుని విచారిస్తున్నారు.
కోహ్లీకి బెంగళూరు, ఢిల్లీ, ముంబై, కోల్‌కతాల్లో పబ్‌లు ఉన్నాయి. అయితే మెట్రో నగరాల్లో రాత్రి ఒంటిగంట వరకు మాత్రమే పబ్ నడపాల్సి ఉంది. అయితే ఇటీవల కాలంలో చాలా పబ్‌లు తెల్లవారుజామున 4 గంటల వరకు నడుపుతున్నారనే ఫిర్యాదులు వెల్లువెత్తుతున్నాయి. దీనిపై బెంగళూరు పోలీసులు కోహ్లి పబ్ సహా, పలు పబ్‌లపై కేసు నమోదు చేశారు.
