మెగా డిఎస్‌సికి ముందస్తుగా నిర్వహించవలసిన టెట్ పరీక్ష తేదీని రాష్ట్రప్రభుత్వం రెండునెలలు వెనక్కి జరిపింది. అభ్యర్ధుల విజ్ఞప్తి మేరకు నోటిఫికేషన్‌ను సవరించింది.
టెట్ పరీక్షకు నోటిఫికేషన్ జులై 2న విడుదల చేసారు. పరీక్షలు ఆగస్టు 5 నుంచి 20 వరకూ నిర్వహిస్తామని ఆ నోటిఫికేషన్‌లో వెల్లడించారు. అయితే పరీక్షలకు సిద్ధమవడానికి సమయం సరిపోదంటూ పలువురు అభ్యర్ధులు భావించారు. టెట్ పరీక్షను కొంచెం వెనక్కి జరపాల్సిందిగా రాష్ట్రప్రభుత్వానికి విజ్ఞప్తి చేసారు. దానికి ప్రభుత్వం సానుకూలంగా స్పందించింది.
ఆ నేపథ్యంలో టెట్ పరీక్ష షెడ్యూల్‌ను సవరించి, కొత్త నోటిఫికేషన్‌ను ఇవాళ విడుదల చేసింది. ఆ మేరకు కొత్త తేదీలు ఈవిధంగా ఉన్నాయి…
టెట్ నోటిఫికేషన్ విడుదల: 02-072024
ఫీజు చెల్లింపు గడువు: 03-08-2024
ఆన్లైన్ దరఖాస్తులు: 03-08-2024
ఆన్లైన్ మాక్‌టెస్ట్: 19-09-2024 నుంచి
హాల్‌టికెట్ల డౌన్‌లోడ్: 22-07-2024 నుంచి
పరీక్షల నిర్వహణ: 03-10-2024 నుంచి 20-10-2024
ఫైనల్ కీ విడుదల: 27-10-2024
ఫలితాల ప్రకటన: 02-11-2024
