బీఎండబ్ల్యూ కారుతో ఢీకొట్టి మహిళ ప్రాణాలు తీసిన శివసేన నాయకుడు

ముంబైలో మరో ఘోరం జరిగింది. బాలుడు ఖరీదైన కారుతో యువ సాఫ్ట్‌వేర్ ఇంజనీర్‌ను బలిగొన్న ఘటన మరవక ముందే మరో ప్రమాదం జరిగింది. శివసేన నాయకుడు రాజేష్ షా కుమారుడు మిహిర్ షా మద్యం సేవించి బీఎండబ్ల్యూతో ఓ మహిళ ప్రాణాలు తీశాడు. ఆదివారం తెల్లవారుజామున ఈ ఘటన జరిగినట్లు పోలీసులు తెలిపారు.

అంతకు ముందు మిహిర్ షా బాగా మందుకొట్టి, డ్రైవర్ ఉన్నా అతన్ని పక్కన పెట్టి స్వయంగా బీఎండబ్ల్యూ కారు నడిపినట్లు విచారణలో తేలింది. అతి వేగంగా స్కూటీపై వెళుతోన్న దంపతులను ఢీ కొట్టాడు. ఈ ఘటనలో చేపలు అమ్ముకుని ఇంటికి వెళుతోన్న కావేరి నక్వా అక్కడికక్కడే చనిపోయింది. కావేరి నక్వాపై నుంచి బీఎండబ్ల్యూ కారు వేగంగా నడిపినట్లు తేలింది. ఆ తరవాత సాక్ష్యాలు చెరిపేందుకు కూడా ప్రయత్నాలు చేసినట్లు పోలీసులు గుర్తించారు. చట్టం అందరికి సమానంగా పనిచేస్తుందని సీఎం షిండే వ్యాఖ్యానించారు. బాధితులను తగిన న్యాయం జరుగుతుందని భరోసా ఇచ్చారు.