జమ్ము కాశ్మీర్‌లో భారీ ఎన్‌కౌంటర్ చోటుచేసుకుంది. కుల్గాన్ జిల్లా కుల్‌గ్రామ్‌లో జరిగిన ఎన్‌కౌంటర్ లో నలుగురు ఉగ్రవాదులు హతమయ్యారు. ఇద్దరు సైనికులు ప్రాణాలు కోల్పోయారు. శనివారంనాడు ఈ ఎన్‌కౌంటర్ జరిగింది. జమ్మూలోని ప్రైసల్ చిన్నిగ్రామ్ లో కూడా మరో ఎన్‌కౌంటర్ ఘటన చోటు చేసుకుంది. ఇంకా ఈ ప్రాంతంలో ఉగ్రవాదుల వేట కొనసాగుతోందని సైనికాధికారులు తెలిపారు.
గత కొంత కాలంగా జమ్ము కశ్మీర్‌లో ఉగ్రవాదులు పేట్రేగిపోతున్నారు. బలగాలు నిరంతర నిఘాతో ఎప్పటికప్పుడు ఉగ్రవాదుల ఏరివేత చేపడుతున్నారు. గత వారం జరిగిన ఎన్‌కౌంటర్‌లో ఇద్దరు ఉగ్రవాదులు హతమయ్యారు. సరిహద్దుల్లోని పాక్ నుంచి ఉగ్రవాదులు చొరబడుతున్నట్లు అనుమానిస్తున్నారు. సరిహద్దుల్లో నిఘాను మరింత పెంచారు.
