రోడ్లు రక్తమోడాయి. కర్ణాటకలోని హవేరి జిల్లాలో జరిగిన ఘోర రోడ్డు ప్రమాదంలో 13 మంది దుర్మరణం పాలయ్యారు. ఆగిఉన్న లారీని అతివేగంగా వచ్చిన టెంపో ఢీ కొనడంతో ఈ ప్రమాదం చోటుచేసుకుందని పోలీసులు తెలిపారు. మరణించిన వారంతా సవదత్తి ఆలయానికి దర్శనానికి వెళ్లి, ఇంటికి తిరిగి వెళుతోన్న భక్తులుగా గుర్తించారు. హవేరి జిల్లాలోని పుణె బెంగళూరు జాతీయ రహదారిపై గుండెనహళ్లి సమీపంలో ఈ ప్రమాదం జరిగింది. ప్రమాద సమాచారం అందగానే పోలీసులు హుటాహుటిన ఘటనా స్థలానికి చేరుకున్నారు. క్షతగాత్రులను సమీపంలోకి ఆసుపత్రికి తరలించారు.
జాతీయ రహదారిపై లారీ ఆగి ఉన్న విషయాన్ని డ్రైవర్ గుర్తించకపోవడం వల్లే ఈ ప్రమాదం జరిగినట్లు అనుమానిస్తున్నారు. తెలవారుజామున 5 గంటల సమయంలో ప్రమాదం జరిగినట్లు పోలీసులు తెలిపారు.
