ప్రభాస్ కథానాయకుడిగా నటించిన ‘ కల్కి 2898 AD’ సినిమా అభిమానులను అలరిస్తోంది. నేడు దేశవ్యాప్తంగా రిలీజైన ఈ సినిమాలో పలువురు ప్రముఖులు నటించారు. మహాభారత యుద్ధం తాలుకా విషయాలకు సైన్స్ ఫిక్షన్ జోనర్ కు లింక్ చేస్తూ నాగ్ అశ్విన్ కథను రూపొందించారు.
ప్రముఖ నిర్మాత అశ్వినీదత్, వైజయంతీ మూవీ బ్యానర్ పై సినిమాను తెరకెక్కించారు. మహానటి సినిమాకు దర్శకత్వం వహించిన నాగ్ అశ్విన్ ఈ చిత్రాన్ని తెరకెక్కించారు. అమితాబ్ బచ్చన్, కమల్ హాసన్, దీపికే పదుకూణె , దిశా పటాని ముఖ్యమైన పాత్రల్లో నటించడం ఈ సినిమాకు హైలెట్ విషయం.
ఓటీటీలో లో కల్కి ఎప్పుడు స్ట్రీమ్ అవుతోందన విషయంపై రకరకాల పుకార్లు షికార్లు చేస్తున్నాయి. ‘కల్కి’ నిర్మాతలు ముందే ఓటీటీ సంస్థలతో డీల్ మాట్లాడుకున్నారని టాక్. సినిమా ఎలా ఉన్నా రిలీజైన 8 వారాల తర్వాతే ఓటీటీలో స్ట్రీమింగ్ చేయాలని ఒప్పందం కుదుర్చుకున్నట్లు తెలుస్తోంది. ఈ సినిమా దక్షిణాది భాషల హక్కుల్ని అమెజాన్ ప్రైమ్ దక్కించుకోగా, హిందీ హక్కుల్ని నెట్‌ఫ్లిక్స్ సంస్థ కొనుగోలు చేసినట్లు ప్రచారం జరుగుతోంది.
