బాణాసంచా తయారీ కేంద్రంలో పేలుడు…ఐదుగురు మృతి

మహారాష్ట్రలో విషాదం చోటుచేసుకుంది. నాగ్‌పూర్‌ లోని ధామ్నా లో గల బాణాసంచా తయారీ కేంద్రంలో ఘోరం జరిగింది. గురువారం మధ్యాహ్నం పేలుడు సంభవించడంతో ఐదుగురు ప్రాణాలు కోల్పోయారు. మరో ఐదుగురు గాయపడ్డారు. సమాచారం అందిన వెంటనే పోలీసులు హుటాహుటిన ఘటనాస్థలికి చేరుకుని సహాయ చర్యలు చేపట్టారు.
పేలుడు ఘటనలో నలుగురు మహిళలు సహా మొత్తం ఐదుగురు ప్రాణాలు కోల్పోయినట్లు ఘటనపై నాగ్‌పూర్‌ పోలీస్‌ కమిషనర్‌ రవీందర్‌ సింఘాల్‌ తెలిపారు. కేసు నమోదు చేసుకుని దర్యాప్తు చేస్తున్నట్లు చెప్పారు.