ముంబైలో మహిళ అనుమానాస్పద మృతి, పరారీలో సహాయకుడు

ముంబైలో
63 ఏళ్ళ మహిళ అనుమానాస్పద స్థితిలో మృతి
చెందింది. మహిళను గొంతు నులిమి హత్య చేసినట్లు పోలీసులు అనుమానిస్తున్నారు. దక్షిణ
ముంబైలోని నెపియాన్ సీ రోడ్ ప్రాంతంలో ఈ ఘటన చోటుచేసుకుంది. జ్యోతి షా(63) అనే
మహిళ అనుమానాస్పద స్థితిలో మృతి చెందడంపై పోలీసులు కేసు నమోదు చేసి దర్యాప్తు
చేస్తున్నారు.

సీసీటీవీ ఫుటేజీలను పరిశీలిస్తున్నామని తెలిపిన పోలీసులు ఇటీవలే
పనిలో చేరిన సహాయకుడి ప్రమేయంపై ఆరా తీస్తున్నామని చెప్పారు.
ఐపీసీ సెక్షన్ 302 కింద కేసు
నమోదు చేసి దర్యాప్తు ప్రారంభించారు. బాధితురాలు ముంబైలో నగల దుకాణం నిర్వహిస్తూ
భర్త ముఖేష్ షాతో కలిసి నివసిస్తోంది. ఘటన జరిగినప్పటి నుంచి కొత్త పనిలో చేరిన పనిమనిషి
ఆచూకీ లేకపోవడంతో ఆ దిశగా దర్యాప్తు జరుగుతోంది.