ఆస్ట్రేలియాలో తెలుగు డాక్టర్ మృతి

మహిళా దినోత్సవం రోజే ఘోరం జరిగింది. డాక్టర్ కావాలని ఎన్నో కలలు కని, వాటిని సాకారం చేసుకునేందుకు ఆస్ట్రేలియాలో పీజీ చేసేందుకు వెళ్లిన వేమూరి ఉజ్వల ట్రెక్కింగ్ ప్రమాదంలో చనిపోయారు. కృష్ణా జిల్లా గన్నవరం మండలం ఉంగుటూరుకు చెందిన వేమూరి ఉజ్వల ఆస్ట్రేలియాలోని గోల్డ్‌కోస్ట్ సమీపంలోని బాండ్ విశ్వవిద్యాలయంలో ఎంబీబీఎస్ పూర్తి చేశారు. రాయల్ బ్రిస్బేన్ ఉమెన్స్ ఆసుపత్రిలో డాక్టర్‌గా పనిచేస్తున్నారు. సరదాగా స్నేహితులతో కలసి ట్రెక్కింగ్ చేందుకు వెళ్లి ప్రమాదవశాత్తూ జారి లోయలో పడిపోయినట్లు స్థానిక పోలీసులు తెలిపారు.

ట్రెక్కింగ్ అంటే వేమూరి ఉజ్వలకు చిన్ననాటి నుంచి ఎంతో ఆసక్తి. ఏ మాత్రం అవకాశం లభించినా ట్రెక్కింగ్ చేస్తూ పర్యావరణ రక్షణకు మొక్కలు నాటుతూ ఉంటుందని కుటుంబ సభ్యులు తెలిపారు. అనుకోకుండా జరిగిన ప్రమాదంలో డాక్టర్ ఉజ్వల మరణించడంపై వారి గ్రామంలో విషాదం నెలకొంది. అంత్యక్రియల కోసం భౌతికకాయాన్ని గన్నవరం మండలంలోని ఉంగుటూరు తరలించారు.