కాకినాడ జిల్లాలో ఘోర రోడ్డు ప్రమాదం జరిగింది. కాకినాడ జిల్లా ప్రత్తిపాడు మండలంలోని పాదాలమ్మ గుడి సమీపంలోని జాతీయ రహదారిపై ఈ తెల్లవారుజామున రోడ్డు ప్రమాదం చోటు చేసుకుంది. రోడ్డు పక్కనే నిలిపి ఉంచిన లారీని వేగంగా వచ్చిన ఆర్టీసి బస్సు ఢీ కొట్టింది. ఈ ఘటనలో నలుగురు అక్కడికక్కడే చనిపోయారు.ముగ్గురు లారీ సిబ్బంది సహా, మరో వ్యక్తి మృతి చెందారు. పోలీసుల కథనం ప్రకారం.
రిపేరు కోసం రోడ్డు పక్కని నిలిపిన లారీని బస్సు ఢీ కొట్టిందని పోలీసులు తెలిపారు. ప్రమాదం తరవాత ఆర్టీసీ డ్రైవర్ బస్సును రాజమహేంద్రవరం తీసుకెళ్లాడు. స్థానికుల ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు. చనిపోయిన వారిని లారీ డ్రైవర్ దాసరి కిషోర్, దాసరి సురేశ్, బండి నాగయ్య, దిమ్మిలి రాజాగా పోలీసులు గుర్తించారు. ప్రమాదకారణాలు తెలియాల్సి ఉంది.
