అమెరికాలో ఇద్దరు తెలుగు విద్యార్థులు అనుమానాస్పద మృతి
ఉన్నత విద్యకోసం అమెరికా వెళ్లిన ఇద్దరు తెలుగు విద్యార్థులు ఒకే గదిలో అనుమానాస్పదంగా (telugu students dead in america) చనిపోయారు. అమెరికా పోలీసుల కథనం ప్రకారం. తెలంగాణలోని వనపర్తి రాంగనర్ కాలనీకి చెందిన గట్టు వెంకన్న, లావణ్య కుమారుడు దినేశ్ బీటెక్ పూర్తి చేశాడు. అమెరికాలో ఉన్నత విద్యకోసం కనెక్టికట్ రాష్ట్రంలోని ఫెయిర్ పీల్డ్ విశ్వవిద్యాలయంలో ఎంఎస్ సీటు సంపాదించాడు. గత ఏడాది డిసెంబరు 28న అమెరికా వెళ్లాడు. అమెరికా చేరుకున్న 17 రోజులకే గదిలో నిద్రలోనే చనిపోయాడనే సమాచారం అందిందని తల్లిదండ్రులు కన్నీరుమున్నీరవుతున్నారు.
దినేశ్‌తో పాటు మరో తెలుగు విద్యార్థి కూడా చనిపోయాడు. శ్రీకాకుళం జిల్లాకు చెందిన విద్యార్థిగా గుర్తించారు. విషవాయువులు లీక్ కావడం వల్లే ఒకే గదిలోని ఇద్దరు విద్యార్థులు చనిపోయారనే అనుమానాలు వస్తున్నాయి. నిద్రలోనే విద్యార్థులు చనిపోయారంటూ అమెరికా నుంచి సమాచారం అందిందని బాధితుడి తల్లిదండ్రులు చెబుతున్నారు. విద్యార్ధుల మరణానికి అసలైన కారణాలు ఇంకా తెలియాల్సి ఉంది.
