మాజీ మోడల్ దివ్య హత్య కేసులో వీడిన మిస్టరీ

మాజీ మోడల్ దివ్య హత్య ఢిల్లీలో కలకలం రేపిన సంగతి తెలిసిందే. జనవరి 2న ఆమె మాజీ ప్రియుడు ఓ హోటల్‌కు పిలిపించి, హత్య (crime news) చేసి శవాన్ని మాయం చేశాడు. సీసీ టీవీ ఫుటేజీ పరిశీలించిన పోలీసులు, హోటల్ యజమాని, దివ్య హత్య కేసులో ప్రధాన నిందితుడుగా అనుమానిస్తోన్న అభిజీత్ సింగ్‌ సహా మరో ఇద్దరిని అరెస్ట్ చేశారు. పోలీసులు విచారణలో అభిజీత్ సింగ్ దివ్యను హత్య చేసి పంజాబ్‌లో భక్రా కాలువలో పడేసినట్లు ఒప్పుకున్నాడు.

నిందితుడి సమాచారం మేరకు గడచిన పది రోజులుగా పోలీసులు భక్రా కాలువలో గాలింపు చేపట్టారు. 11 రోజుల తరవాత దివ్య మృతదేహాన్ని హరియాణాలోని ఓ కాలువలో గుర్తించారు. పంజాబ్‌లోని భక్రా కాలువలో పడేసిన మృతదేహం హరియాణాకు కొట్టుకొచ్చినట్లు పోలీసులు తెలిపారు. తోహనా జిల్లాలోని ఓ సాగునీటి కాలువలో శుక్రవారంనాడు దివ్య మృతదేహాన్ని గుర్తించారు. పోస్టుమార్టం కోసం దివ్య మృతదేహాన్ని ఆసుపత్రికి తరలించారు.