ఆంధ్రప్రదేశ్ రాజధాని నిర్మాణానికి కేంద్రప్రభుత్వం రూ.4285 కోట్లు విడుదల చేసింది. అమరావతి నిర్మాణ పనుల ప్రారంభోత్సవం కోసం ప్రధానమంత్రి నరేంద్ర మోదీ ఈ నెల మూడో వారంలో వస్తారు. ఆ నేపథ్యంలో కేంద్ర ప్రభుత్వం ఈ నిధులను విడుదల చేసింది.

అమరావతిలో నిర్మాణ పనులను మళ్ళీ ప్రారంభిస్తున్న సందర్భంలో 25శాతం నిధులు అడ్వాన్సుగా ఇవ్వాలని అమరావతి క్యాపిటల్ రీజియన్ డెవలప్‌మెంట్ అథారిటీ – ఏపీ సీఆర్‌డీఏ కేంద్రాన్ని కోరింది. దానికి కేంద్ర ప్రభుత్వం సానుకూలంగా స్పందించింది. ప్రపంచ బ్యాంకు, ఆసియా డెవలప్‌మెంట్ బ్యాంకుల నిధుల నుంచి 25శాతం మంజూరు చేసింది. దానికి కేంద్రం వాటా రూ.750 కోట్లు కలిపి మొత్తం రూ.4285 కోట్లు విడుదల చేసింది.