తనపై నమోదైన గృహ హింస కేసు కొట్టేయాలంటూ నటి హన్సిక బాంబే హైకోర్టును ఆశ్రయించారు. కేసు క్వాష్ చేయాలని హైకోర్టులో హన్సిక పిటిషన్ వేశారు. సోదరుడి భార్య ఫిర్యాదు మేరకు హన్సికపై గతంలో గృహ హింస కేసు నమోదైన సంగతి తెలిసిందే. కేసు విచారించిన జస్టిస్ సారంగ్ కోత్వాల్, జస్టిస్ ఎస్.ఎం. మోదక్‌ల ధర్మాసనం నటి హన్సిక సోదరుడి భార్యకు నోటీసులు జారీ చేసింది. తదుపరి విచారణ జులై3కు వాయిదా వేసింది.

నటి హన్సిక సోదరుడు ప్రశాంత్, టీవీనటి ముస్కాన్ 2020లో వివాహం చేసుకున్నారు. వారు వివాదాల కారణంగా 2022లో విడిపోవాలని నిర్ణయించుకున్నారు. ఆ సమయంలోనే హన్సిక, ఆమె సోదరుడు ప్రశాంత్, హన్సిక తల్లి జ్యోతిలపై గృహ హింస చట్టం కింద ముస్కాన్ ఫిర్యాదు చేశారు. దీనిపై కేసు నమోదైంది. 2025లో నిందితులకు
బాంబే హైకోర్టు ముందస్తు బెయిల్ మంజూరు చేసింది. కేసు క్వాష్ చేయాలంటూ హన్సిక, ఆమె తల్లి జ్యోతిక తాజాగా బాంబే హైకోర్టును ఆశ్రయించారు.