ఒంటిమిట్టలోని శ్రీ కోదండరామస్వామివారి ఆలయ ప్రాంగణంలో హరిద్రా ఘటనం – పసుపు దంచే సాంప్రదాయ కార్య‌క్ర‌మం శాస్రోక్తంగా ప్రారంభ‌మైంది.భారతీయ సనాతన ధర్మంలో, శుభకార్యాల వేళ పసుపు దంచడం ఆనవాయితి.
హరిద్రా ఘటనం సమయంలో తయారు చేసిన పసుపుని వార్షిక బ్రహ్మోత్సవాలలో అభిషేకం, కళ్యాణం, అక్షింతలు తయారీలోను, పలు శుభకార్యాల్లో ఉపయోగిస్తామని ఒంటిమిట్ట ఆలయ అర్చకులు శ్రీ మనోజ్ స్వామి తెలిపారు.
పసుపు దంచే కార్యక్రమంలో వందలాది మహిళా భక్తులు, శ్రీవారి సేవకులు రామ‌నామ స్మ‌ర‌ణ చేస్తూ ఉత్సాహంగా పాల్గొన్నారు. టీటీడీ మహిళా ఉద్యోగులు ఈ శుభ సందర్భంగా ”సారె” సమర్పించారు.
డిప్యూటీ ఈవో నటేష్ బాబు, పిఆర్వో (ఎఫ్ఎసి) కుమారి నీలిమ, ఎస్వీబీసీ ఓఎస్డీ శ్రీమతి పద్మావతి, అర్చకులు వీణా రాఘవాచార్యులు , ఇతర సిబ్బంది పాల్గొన్నారు.
