కేంద్ర బడ్జెట్-ఆర్థిక వ్యవస్థలో పెట్టుబడులు, విద్యుత్ రంగంలో సంస్కరణలు అనే అంశంపై వివిధ కేంద్ర, రాష్ట్ర అధికారులతో నిర్వహించిన వెబినార్‌లో ప్రధానమంత్రి నరేంద్ర మోదీ పాల్గొన్నారు. ఆ సందర్భంగా ప్రధాని మాట్లాడుతూ వికసిత్ భారత్ 2047 లో భాగంగా భారత దేశాన్ని 5 ట్రిలియన్ ఎకానమీగా తీర్చిదిద్దేందుకు ప్రణాళికలు సిద్దం చేసి అమలు చేస్తున్నట్టు పేర్కొన్నారు. నాణ్యతతో కూడిన వైద్య సేవలను క్షేత్రస్థాయి వరకూ తీసుకువెళ్ళాలనే దిశగా కేంద్రప్రభుత్వం ప్రయత్నిస్తోందని మోదీ చెప్పారు. కేంద్ర బడ్జెట్లో కృత్రిమ మేధ(AI)తో కూడిన విద్యా విధానానికి అధిక నిధులు కేటాయించామన్నారు. హెల్త్ టూరిజం ప్రమోషన్‌కు కూడా బడ్జెట్లో అధిక ప్రాధాన్యతను ఇచ్చామని ప్రధాని వివరించారు.
ఆ వీడియో సమావేశంలో ఆంధ్రప్రదేశ్ రాష్ట్ర ప్రభుత్వ ప్రధాన కార్యదర్శి కె.విజయానంద్ మాట్లాడుతూ రాష్ట్రంలో అంతర్-రాష్ట్ర ప్రసార సామర్థ్యాన్ని పెంచుకోవడానికి తగిన ప్రోత్సాహకాలను అందించాలని కోరారు. ప్రణాళికాబద్ధమైన పునరుత్పాదక ఇంధన సామర్థ్యాలు మరియు గ్రీన్ హైడ్రోజన్ ప్రాజెక్టులకు అనుసంధానించవచ్చని తెలిపారు. రాష్ట్రాల్లో విద్యుత్ గ్రిడ్ సామర్థ్యం, విశ్వసనీయత, సామర్థ్యాన్ని పెంచడానికి రాష్ట్రాంతర ప్రసారాలను పెంచడం ముఖ్యమని విజయానంద్ చెప్పారు. ప్రసార నష్టాలను తగ్గించడానికి, గ్రిడ్ స్థిరత్వాన్ని పెంచడానికి ఆధునిక ప్రసార మౌలిక సదుపాయాలలో మరిన్ని పెట్టుబడులు పెట్టాల్సిన అవసరం ఉందన్నారు. డిస్కమ్‌ల ఆర్థిక స్థిరత్వానికి అధిక నష్టాలను పరిష్కరించడం, బిల్లింగ్ సామర్థ్యాన్ని మెరుగుపరచడం, సకాలంలో టారిఫ్ సవరణలను నిర్ధారించడం వంటి చర్యలు తీసుకోవాలన్నారు.
పునరుత్పాదక ఇంధన సామర్ధ్యం విస్తరణకు వాతావరణ లక్ష్యాలను చేరుకోవడానికి, ఇంధన వనరులను వైవిధ్యపరచడానికి భారతదేశపు విశుద్ధ శక్తి పరివర్తనను బలోపేతం చేయాలని సిఎస్ విజయానంద్ స్పష్టం చేసారు. ఇంధన రంగంలో ప్రభుత్వ-ప్రైవేట్ భాగస్వామ్యాలు మరింత పెంచాలని సూచించారు. వినియోగదారుల భాగస్వామ్యం కింద ఇంధన పరిరక్షణ, స్మార్ట్ మీటరింగ్ చొరవలను ప్రోత్సహించాల్సిన ఆవశ్యకత ఉందన్నారు. ఆ సమావేశంలో ట్రాన్స్‌కో జెఎండి కీర్తి, విద్యుత్ శాఖ అధికారులు, తదితరులు పాల్గొన్నారు.
