కిన్నెర అఖాడా నుంచి మాజీ నటి మమతా కులకర్ణిని బహిష్కరించారు. ప్రాపంచిక జీవితాన్ని వదిలేసుకుని మహా కుంభమేళా పురస్కరించుకుని మమతా కులకర్ణి కిన్నెర అఖాడాలో చేరారు. వెంటనే మహామండలేశ్వర్ హాదా ఇచ్చారు. దీనిపై విమర్శలు తలెత్తాయి. అఖాడాల నుంచి తీవ్ర అభ్యంతరాలు రావడంతో ఆమెను బహిష్కరిస్తూ నిర్ణయం తీసుకున్నారు.
కిన్నెర అఖాడాలో మమతా కులకర్ణిని చేర్చుకున్న తరవాత సభ్యుల మధ్య తీవ్ర విభేదాలు తలెత్తాయి. అఖాడాలో చేరగానే మహామండలేశ్వర్ హోదా ఎలా ఇస్తారంటూ విమర్శలు వెల్లువెత్తాయి. మహాకుంభమేళా పవిత్ర ఆధ్యాత్మిక కార్యక్రమంలో కొందరు అసభ్యతను ప్రోత్సహిస్తున్నారంటూ యోగా గురువు రామ్‌దేవ్ బాబా విమర్శలు చేశారు.
చివరి దశలు సన్యాసులుగా మారి మహామండలేశ్వర్ హోదాలు పొందుతున్నారని విమర్శించారు.
కులకర్ణి చేరిక తరవాత అఖాడా వ్యవస్థాపకులు అజయ్ దాస్, కులకర్ణి గురువు లక్ష్మీ నారాయణ్ త్రిపాఠి మధ్య తీవ్ర విభేదాలు తలెత్తాయి. అజయ్ దాస్ అఖాడాను వీడి కుటుంబంతో జీవిస్తున్నారంటూ, ఇలా చేయడం అఖాడా సాంప్రదాయాలకు విరుద్దమని స్వాములు విమర్శలకు దిగారు.
1990 దశకంలో టాలీవుడ్, బాలీవుడ్‌లో నటిగా ఓ వెలుగు వెలిగిన మమతా కులకర్ణి, మాదక ద్రవ్యాల కేసులోనూ ఇరుక్కున్నారు. కొంత కాలం విదేశాలకు వెళ్లి తలదాచుకున్నారు. తాజాగా మహాకుంభమేళాలో ప్రత్యక్షమై సన్యాసం తీసుకోవడం విమర్శలు దారితీసింది.
