మహిళల అండర్-19 టీ20 ప్రపంచ‌కప్‌ టోర్నీలో భారత్ యువతులు అద్భుతమైన ఆటతో ప్రశంసలు అందుకుంటున్నారు.

కౌలాలంపూర్ వేదికగా జరిగిన సెమీఫైనల్ లో ఇంగ్లాండ్ పై భారత్ విజయం సాధించి ఫైనల్ లోకి అడుగుపెట్టింది. టైటిల్ పోరులో భాగంగా జరిగే ఫైనల్ లో దక్షిణాఫ్రికాతో భారత్ తలపడనుంది.

సెమీఫైనల్-2 లో టాస్ నెగ్గి తొలుత బ్యాటింగ్ చేసిన ఇంగ్లాండ్ నిర్ణీత 20 ఓవర్లలో 8 వికెట్ల నష్టానికి 113 పరుగులు చేసింది. డేవినా సారా (45), అబి నోర్‌గ్రోవ్ (30) మినహా మిగతావారు విఫలమయ్యారు.

భారత బౌలర్లలో వైష్ణవి శర్మ , పరునికా చెరో మూడు వికెట్లు తీయగా , ఆయుషి రెండు వికెట్లు పడగొట్టింది.

లక్ష్యాన్ని ఛేదించేందుకు బరిలోకి దిగిన భారత్‌ 15 ఓవర్లలో నే విజయానికి కావాల్సిన పరుగులు రాబట్టింది. 15 ఓవర్లలో ఒక వికెట్ నష్టపోయి 117పరుగులు చేసింది. కమలిని (56*) అర్ధశతకం చేయగా త్రిష (35) మరోసారి మెరుపు బ్యాటింగ్ చేసిది. మ్యాచ్ విజయం సాధించే సమయానికి క్రీజులో కమలిని(56*),సానిక (11*) క్రీజులో ఉన్నారు.
ఇంగ్లండ్ బౌలర్లలో బ్రెట్ కు ఒక వికెట్ దక్కింది.