అమెరికాలో ఘోర విమాన ప్రమాదం జరిగింది. ప్రయాణీకులతో వెళుతోన్న విమానం, మరో హెలికాఫ్టర్ వాషింగ్టన్ వద్ద ఢీ కొన్నాయి. దీంతో రెండూ పోటోమాక్ నదిలో కుప్పకూలిపోయాయి. ప్రమాదం జరిగిన సమయంలో విమానంలో 64 మంది ప్రయాణీకులు ఉన్నట్లు అధికారులు తెలిపారు. సహాయక చర్యలు కొనసాగుతున్నాయి.
విమానం, హెలికాప్టర్ నదిలో కూలిపోవడంతో సహాయక చర్యలకు ఆటంకం ఏర్పడింది. బుధవారం రాత్రి 8 గంటల 30 నిమిషాలకు ప్రమాదం చోటు చేసుకుంది. వాషింగ్టన్ రోనాల్డ్ రీగన్ జాతీయ ఎయిర్‌పోర్టు వద్ద విమానం దిగేందుకు సిద్దమవుతోండగా రక్షణ శాఖకు చెండిన హెలికాప్టర్‌తో పరస్పరం ఢీ కొన్నాయి. విమాన ప్రమాద దృశ్యాలు కూడా లభ్యమయ్యాయి.
పీఎస్ఏ ఎయిర్‌లైన్స్ విమానయాన సంస్థకు చెందిన విమానంగా అధికారులు గుర్తించారు. విమానంలో, హెలికాప్టర్‌లో వీఐపీలు ఎవరూ లేరని తెలుస్తోంది.ప్రమాద సమాచారం తెలియగానే సహాయ చర్యలకు అధికారులు ఆదేశించారు. ప్రయాణీకుల కోసం నదిలో గాలింపు చేపట్టారు. ప్రాణనష్టం వివరాలు అందాల్సి ఉంది.ప్రమాదం నుంచి ప్రయాణీకులంతా బయటపడాలంటూ అమెరికా ఉపాధ్యక్షుడు జెడి వాన్స్ ఎక్స్‌లో స్పందించారు.
