ఆర్యవైశ్యుల ఇలవేల్పు శ్రీ వాసవి కన్యకాపరమేశ్వరి అమ్మ వారి ఆత్మార్పణం రోజును ఏపీ ప్రభుత్వం అధికారికంగా నిర్వహించనుంది. ఈ మేరకు ఏపీ ఎన్డీయే ప్రభుత్వం ఉత్తర్వులు జారీ చేసింది. ప్రతి ఏటా ‘మాఘ శుద్ధ విదియ’ తిథి నాడు రాష్ట్ర వ్యాప్తంగా కార్యక్రమంగా నిర్వహించాలని నిర్ణయించింది. ఈ మేరకు ప్రభుత్వం జీవో నెంబర్ 181 జారీ చేసింది.
ఆర్య వైశ్య కార్పొరేషన్ చైర్మన్ డూండి రాకేష్ ఆధ్వర్యంలో సచివాలయంలో సీఎం చంద్రబాబును పలువురు నేతలు కలిశారు. ప్రభుత్వ నిర్ణయం పట్ల సీఎంకు కృతజ్ఞతలు తెలిపారు.
తాము అధికారంలోకి వస్తే శ్రీ వాసవి కన్యకాపరమేశ్వరి అమ్మవారి ఆత్మార్పణ దినాన్ని అధికారికంగా నిర్వహిస్తామని టీడీపీ మేనిఫెస్టోలో పేర్కొంది. వాగ్దానాన్ని నెరవేరుస్తూ ఎన్డీయే కూటమి ప్రభుత్వం ఉత్తర్వులు జారీ చేసింది.
సీఎంను కలిసిన వారిలో ఇరుకుల రామకృష్ణ, ఆరవీటి నిర్మల, సేగు షణ్ముగం, ఎంవీబీ, గురు బ్రహ్మం ఉన్నారు.
