కాల్పుల విరమణ ఒప్పందంలో భాగంగా హమాస్ రెండో విడత బందీలను విడుదల చేసింది. ఇజ్రాయెల్‌కు చెందిన నలుగురు మహిళా సైనికులను ఇవాళ విడుదల చేశారు. సైనిక దుస్తుల్లో నలుగురు మహిళా సైనికులను రెడ్ క్రాస్ సంస్థ ప్రతినిధులకు హమాస్ ఉగ్రవాదులు అప్పగించారు. బందీలు గాజా నుంచి ఇజ్రాయెల్‌కు బయలు దేరారు. గాజా సరిహద్దు ఓజ్ వద్ద మహిళా సైనికులను ఇజ్రాయెల్‌కు అప్పగించారు.
గత ఏడాది అక్టోబర్ 7వ తేదీ నుంచి ఇజ్రాయెల్ మహిళా సైనికులు హమాస్ చెరలో బందీలుగా మారారు. కాల్పుల విరమణ ఒప్పందం అమల్లోకి వచ్చిన తరవాత బందీల విడుదల మొదలైంది. రెండో విడతలో భాగంగా ఇజ్రాయెల్ మహిళా సైనికులను ఇవాళ విడుదల చేశారు.
అక్టోబరు 7, 2023న ఇజ్రాయెల్‌పై హమాస్ ఉగ్రవాదులు పాశవికదాడి తరవాత 200 మందిని బందీలుగా తీసుకున్నారు. హమాస్ దాడి తరవాత ఇజ్రాయెల్ పూర్తి స్థాయి యుద్ధం ప్రారంభించింది. అప్పటి నుంచి గత వారం కాల్పుల విరమణ ఒప్పందం జరిగే వరకు 45 వేల మందికి పైగా ప్రాణాలు కోల్పోయారు. ఖతర్, ఈజిప్టు దేశాలు ఇజ్రాయెల్, హమాస్ ఉగ్రవాదుల మధ్య కాల్పుల విరమణ ఒప్పందానికి మధ్యవర్తిత్వం చేశాయి. కాల్పుల విరమణ ఒప్పందానికి ఇరువర్గాలు అంగీకరించడంతో బందీల విడుదల కొనసాగుతోంది.
