అమెరికాలో దారుణం జరిగింది. దుండగులు సమీపం నుంచి జరిపిన కాల్పుల్లో తెలుగు విద్యార్థి రవితేజ ప్రాణాలు కోల్పోయాడు. హైదరాబాద్ చైతన్యపురికి చెందిన రవితేజ 2022లో ఉన్నత విద్య కోసం అమెరికా వెళ్లాడు. గత రాత్రి దుండగులు జరిపిన కాల్పుల్లో రవితేజ మరణించినట్లు తల్లిదండ్రులకు సమాచారం అందింది. దీంతో వారు కన్నీరుమున్నీరవుతున్నారు.
దుండగులు రవితేజపై కాల్పులకు ఎందుకు తెగబడ్డారనే దానిపై స్పష్టత రావాల్సి ఉంది. రవితేజను బెదరించి డబ్బు డిమాండ్ చేసినట్లు ప్రాధమికంగా తెలుస్తోంది. స్థానిక పోలీసులు కేసు నమోదు చేసి విచారణ చేపట్టారు. మరిన్ని వివరాలు అందాల్సి ఉంది.
