కెనడా ప్రధాని పదవి రేసులోకి భారతీయుడు దిగాడు. ట్రూడో పదవి నుంచి వైదొలగుతున్నట్లు ప్రకటించడంతో మార్చిలో కొత్త ప్రధానికి ఎన్నుకోనున్నారు. దీంతో నలుగురి పేర్లు ప్రధానంగా వినిపిస్తున్నాయి. భారత సంతతి వ్యక్తి చంద్ర ఆర్య పేరు ప్రధానంగా వినిపిస్తోంది. మార్చి9న లిబరల్ పార్టీ తరపున ప్రధాని అభ్యర్థి ఎవరన్నది తేలనుంది. ఒట్టావాలోని నేపియన్ నుంచి ఎంపీగా గెలిచిన చంద్ర ఆర్యా కర్ణాటక నుంచి కెనడాకు వలస వెళ్లారు.
తాను ప్రధాని పదవి రేసులో ఉన్నట్లు చంద్ర ఆర్యా ప్రకటించారు. అయితే లిబరల్ పార్టీ ఎవరిని ప్రధాని అభ్యర్థిగా ప్రకటిస్తుంది అనేది తేలాల్సి ఉంది. చంద్రాతోపాటు మరో నలుగురు కూడా రేసులో ఉన్నారు. పార్టీ ఎవరివైపు మొగ్గుచూపుతుందనేది మార్చి 9న జరిగే సమావేశంలో తేలనుంది.
బావి తరాలను సుసంపన్నం చేసేందుకు, కెనడా పునర్నిర్మాణం చేసేందుకు నూతన ప్రభుత్వాన్ని ఏర్పాటు చేసేందుకు ప్రధానమంత్రి పదవికి తాను పోటీపడుతున్నట్లు చంద్ర ఆర్యా ప్రకటించారు. దీంతో కెనడా ప్రధాని పదవికి పోటీ పడుతున్న రెండో భారత సంతతి వ్యక్తిగా చంద్రా నిలిచారు.
