మహిళల అండర్‌-19 టీ20 2025 ప్రపంచకప్ టోర్నీకి బీసీసీఐ జట్టును ప్రకటించింది. 15 మందితో కూడిన జట్టును సెలక్షన్ కమిటీ ఎంపిక చేసింది. నిక్కీ ప్రసాద్‌ కెప్టెన్‌ గా సానికా చల్కే వైస్‌ కెప్టెన్‌గా వ్యవహరించనుండగా తెలుగు రాష్ట్రాలకు చెందిన ముగ్గురు అమ్మాయిలకు చోటు దక్కింది. హైదరాబాద్‌కు చెందిన గొంగడి త్రిష, కేసరి ధృతి, విశాఖపట్నం అమ్మాయి షబ్నమ్‌ జట్టు లో స్థానం సాధించారు.
ఇటీవల జరిగిన మహిళల అండర్‌-19 ఆసియాకప్‌ క్రికెట్ టోర్నీలో గొంగడి త్రిష ‘ప్లేయర్‌ ఆఫ్‌ ద మ్యాచ్‌’గా నిలిచింది. జట్టులో ఇద్దరు వికెట్‌ కీపర్లు ఉండటం జట్టుకు అదనపు బలం. స్టాండ్‌ బైగా మరో ముగ్గురు ప్లేయర్లను ఎంచుకున్నారు.
U 19 భారత మహిళల జట్టు ..
నిక్కీ ప్రసాద్‌ (కెప్టెన్‌), సానికా చల్కే (వైస్‌ కెప్టెన్‌), గొంగడి త్రిష, కమిలిని (వికెట్‌ కీపర్‌), భవికా అహిరె (వికెట్‌ కీపర్‌), ఈశ్వరి అవసరె, మిథిలా వినోద్‌, జోషితా వీజే, సోనమ్‌ యాదవ్‌, పర్ణికా సిసోదియా, కేసరి ధృతి, ఆయుషి శుక్లా, ఆనందితా కిశోర్‌, షబ్నమ్‌, వైష్ణవి ఎస్‌
స్టాండ్‌బై ప్లేయర్లు..
నందన , ఐరా , అనధి
మలేసియాలోని కౌలాలంపూర్‌ వేదికగా జనవరి 18 నుంచి ఫిబ్రవరి 2 వరకు Under-19 Women’s T20 WC టోర్నీ జరగనుంది.
