పశ్చిమాసియాలో పరిస్థితులు మరింత ఉద్రిక్తంగా మారాయి. ఇజ్రాయెల్ రాజధాని టెల్ అవీవ్‌పై హైతీ ఉగ్రవాదుల క్షిపణి దాడుల తరవాత పరిస్థితి మరింత క్షీణించింది. హైతీ ఉగ్రవాదులపై అమెరికా దాడులకు దిగింది. యెమెన్ రాజధానిలోని హైతీ స్థావరాలే లక్ష్యంగా అమెరికా సైన్యం దాడులకు దిగింది. ఎర్రసముద్రంలో వాణిజ్య నౌకలపై హైతీలు దాడులకు తెగబడటంతో ఆ ప్రాంతంలో వాణిజ్యానికి పెనుముప్పు ఏర్పడింది. దీంతో అమెరికా బలగాలు హైతీ స్థావరాలపై దాడులకు దిగింది.
యెమెన్‌లోని ఉగ్రవాదుల స్థావరాలే లక్ష్యంగా దాడులు చేసినట్లు అమెరికా ప్రకటించింది. యెమెన్‌లోని హైతీ ఉగ్రవాదులను మట్టుబెట్టేందుకు ఇజ్రాయెల్ దాడులకు దిగిన తరవాత ప్రతీకారదాడులు మొదలయ్యాయి. టెలీఅవీవ్‌పై హైతీ ఉగ్రవాదులు క్షిపణులు ప్రయోగించారు. అడ్డుకోవడంతో ఇజ్రాయెల్ సైన్యం విఫలమైంది. దీంతో 16 మంది గాయపడ్డ సంగతి తెలిసిందే.
తాజాగా అమెరికా దాడులతో పశ్చిమాసియాలో ఉద్రిక్తతలు పెరిగాయి. హైతీ ఉగ్రవాదులకు ఇరాన్ ఆయుధాలు సరఫరా చేయడం, యెమెన్, లెబనాన్ కేంద్రంగా హైతీలు దాడులకు దిగడంతో ఆ ప్రాంతంలో పరిస్థితులు ఆందోళనకరంగా మారాయని ఐక్యరాజ్యసమితి వ్యాఖ్యానించింది. ఇజ్రాయెల్, పాలస్తీనా హమాస్ ఉగ్రవాదుల మధ్య మొదలైన యుద్ధం మరింత విస్తరించింది. కాల్పుల విరమణ ప్రయత్నాలు ఫలించలేదు.
