భారత క్రికెట్ జట్టుకు ఆస్ట్రేలియా ప్రధాని ఆంధోని అల్బనీస్ విందు ఇచ్చారు. ఆసీస్ పర్యటనలో ఉన్న టీమిండియాకు కాన్‌బెర్రాలోని ఆస్ట్రేలియన్‌ పార్లమెంట్‌ హౌస్‌లో ప్రత్యేక విందు ఏర్పాటు చేశారు. కెప్టెన్ రోహిత్ శర్మ, భారత జట్టు సభ్యులను అల్బనీస్ కు పరిచయం చేశారు. అనంతరం భారత జట్టు అల్బనీస్‌తో గ్రూప్‌ ఫోటో దిగింది.
భారత్-ఆసీస్ మధ్య రెండో టెస్ట్ అడిలైడ్‌ వేదికగా డిసెంబర్‌ 6 నుంచి జరగనుంది. ఈ మ్యాచ్‌కు ముందు టీమిండియా, ప్రైమ్ మినిస్టర్‌ ఎలెవెన్‌తో రెండు రోజుల ప్రాక్టీస్‌ మ్యాచ్ ఆడనుంది. రెండో టెస్ట్ తరహాలోనే పింక్ బాల్‌తో న‌వంబ‌ర్ 30 నుంచి రెండు రోజుల పింక్ బాల్ ప్రాక్టీసు మ్యాచ్ జరగనుంది. మ‌నూకా ఓవ‌ల్ మైదానంలో వేదికగా ఈ మ్యాచ్ నిర్వహిస్తున్నారు.
జాక్ ఎడ్వ‌ర్డ్స్ నేతృత్వంలోని ప్రైమ్ మినిస్ట‌ర్స్ లెవ‌న్ జట్టు కూడా ప్రధాని ఆల్బ‌నీస్‌ను మర్యాద పూర్వకంగా కలిసింది.
