సినీనటుడు అలీకి రెవెన్యూ అధికారులు నోటీసులు జారీ చేశారు. వికారాబాద్ జిల్లా నవాబ్‌పేట మండలం ఏక్‌మామిడిలో అలీ ఫామ్ హౌసులో ఎలాంటి అనుమతులు లేకుండా నిర్మాణాలు చేస్తున్నారంటూ గ్రామ కార్యదర్శి శోభారాణి నోటీసులు జారీ చేశారు. మొదటి సారి జారీ చేసిన నోటీసులను పట్టించుకోకుండా నిర్మాణాలు కొనసాగిస్తున్నారని అధికారులు తెలిపారు.
నటుడు అలీ ఫాం హౌసులో నిర్మాణాలను నిలిపివేయాలంటూ ఏక్‌మామిడి గ్రామ కార్యదర్శి ఇవాళ మరోసారి నోటీసులు జారీ చేశారు. నిర్మాణాలకు అనుమతులు తీసుకోవాలని, లేదంటే చర్యలు తీసుకుంటామంటూ నోటీసులో హెచ్చరించారు. ఫాం హౌసులో నిర్మాణాలకు ఎలాంటి అనుమతులు పొందకపోవడంతో అధికారులు అలీ పొలంలోని మేనేజరుకు నోటీసులు అందించారు.
