ప్రధాన మంత్రి నరేంద్ర మోదీ ఆంధ్రప్రదేశ్ కు రానున్నారు. ఈ నెల 29న విశాఖలో పర్యటించి ఏయూలో నిర్వహించే బహిరంగ సభలో పాల్గొని ప్రసంగించనున్నారు. విశాఖ నుంచే వర్చువల్‌ విధానంలో అచ్యుతాపురం మండలం పూడి­మడక వద్ద సింహాద్రి ఎన్టీపీసీ, ఏపీ జెన్‌కో సంయుక్తంగా ఏర్పాటు చేస్తున్న హైడ్రో ప్రాజె­క్టుకు, పాయకరావుపేటలో ఫార్మా ఎస్‌ఈజె­డ్‌లో స్టీల్‌ ప్లాంట్‌కు శంకుస్థాపనలు చేయనున్నారు.

ప్రధాని రాక సందర్భంగా ఏయూలో జరగాల్సిన బీఈ–­బీటెక్‌ సెమిస్టర్‌ పరీక్షలు వాయిదా పడ్డాయి. ప్రధాని పర్యటన నేపథ్యంలో ఏపీ చీఫ్‌ సెక్రటరీ నీరబ్‌కుమార్‌­ప్రసాద్‌ విశాఖకు వెళ్ళనున్నారు. రెండు రోజుల పాటు అక్కడే ఉండి ఏర్పాట్లపై సమీక్షించనున్నారు.

పూడిమడకలో రూ.85 వేల కోట్ల పెట్టుబడితో నెలకొల్పుతున్న పునరుత్పాదక ఇంధన ప్రాజెక్టు ద్వారా ప్రత్యక్షంగా, పరోక్షంగా 25వేల మందికి ఉపాధి లభించనుంది. 2032 నాటికి ఈ ప్లాంట్ నుంచి 60 గిగావాట్ల విద్యుత్తు ఉత్పత్తి చేయాలని లక్ష్యంగా పెట్టుకున్నారు.