తిరుమల శ్రీవారి దర్శన ఆర్జిత సేవా టికెట్లను విడుదల చేశారు. కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్ర దీపాలంకార సేవలకు.. 2025 ఫిబ్రవరి నెల కోటాను విడుదల చేశారు. టికెట్లు ఆన్‌లైన్లో బుక్ చేసుకోవచ్చు. అంగప్రదక్షిణం టోకెన్లను ఈ నెల 23 ఉదయం 10 గంటలకు విడుదల చేయనున్నారు.
నవంబరు 23న శ్రీవాణి ట్రస్టు టికెట్లను విడుదల చేస్తారు. దివ్యాంగులు, వయోధికులు, దీర్షకాలిక వ్యాధిగ్రస్తులకు ఉచిత ప్రత్యేక దర్శనం టికెట్లను నవంబరు 23న విడుదల చేస్తారు. ప్రత్యేక ప్రవేశ దర్శనం టికెట్ల కోటాను ఈ నెల 25న ఉదయం 10 గంటలకు విడుదల చేయనున్నారు.
తిరుమలలో ఫిబ్రవరి నెలకు గదుల బుకింగ్‌ను నవంబరు 25న 3 గంటలకు విడుదల చేయనున్నారు. https://ttddevastanams.ap.gov.in వెబ్‌సైట్ ద్వారా శ్రీవారి ఆర్జిత సేవలు, దర్శన టికెట్లు పొందవచ్చు.
