సీబీఎస్ఈ డేట్‌షీట్- 2025 విడుదలైంది. 10వ తరగతి, 12వ తరగతి బోర్డు పరీక్షల షెడ్యూల్ నోటిఫికేషన్‌ను విడుదల చేసింది.ఫిబ్రవరి 15, 2025న 10వ, 12వ తరగతుల పరీక్షలు ప్రారంభం అవుతాయి. ఇంగ్లిష్ మొదటి సబ్జెక్ట్‌గా 10వ తరగతి బోర్డ్ ఎగ్జామ్స్ ఉంటాయి. 12వ తరగతి పరీక్షలు ఎంటర్‌ప్రెన్యూర్‌షిప్‌ సబ్జెక్ట్‌తో ఆరంభిస్తారు. cbse.gov.in పోర్టల్‌ లో పరీక్షలకు సంబంధించిన పూర్తి వివరాలు పొందుపరిచారు.
మొదటిసారిగా 86 రోజులు ముందుగానే షెడ్యూల్ ను సీబీఎస్ఈ ప్రకటించింది. గతేడాదితో పోల్చితే 23 రోజులు ముందుగా పరీక్షలు ప్రారంభం అవుతున్నాయి. పాఠశాలలు సకాలంలో ఎల్‌వోసీ సమర్పించడంతో ఇంత త్వరగా షెడ్యూల్ ప్రకటించడం సాధ్యమైనట్లు తెలిపింది.
కాగా 10వ, 12వ తరగతులకు ప్రాక్టికల్ పరీక్షలు షెడ్యూల్ ఇప్పటికే విడుదలైంది. 10వ తరగతి ప్రాక్టికల్ పరీక్షలు జనవరి 1, 2025 నుంచి మొదలవుతుండగా 12వ తరగతి ప్రాక్టికల్స్ ఫిబ్రవరి 15, 2025న ప్రారంభమవుతాయి.
