ప్రతిష్ఠాత్మకంగా జరిగిన 73వ విశ్వసుందరి పోటీల్లో డెన్మార్క్ బ్యూటీ విక్టోరియా కెజార్ హెల్విగ్ విజేతగా నిలిచారు. 21 ఏళ్ల సుందరికి 2023 మిస్ యూనివర్స్ విన్నర్ పలాసియోస్ హెల్విగ్‌కు కిరీటం అలంకరించారు.ప్రపంచ వ్యాప్తంగా ఉన్న కోట్లాది మహిళల జీవితాల్లో స్ఫూర్తిని నింపేలా మీ ప్రయాణం ఉండాలంటూ ఎంపిక కమిటీ కొనియాడింది. భారత్ నుంచి రియా సింఘా ఈ పోటీల్లో పొల్గొన్నారు.

మెక్సికో వేదికగా జరిగిన 73వ విశ్వ సుందరి పోటీల్లో 125 దేశాలకు చెందిన అందాల బామలు పొల్గొన్నారు. వీరిలో డెన్మార్క్‌కు చెందిన విక్టోరియా కెజార్ హెల్విన్ కిరీటం దక్కించుకోగా, నైజీరియా బామ అడెట్సినా మొదటి రన్నరప్‌గా నిలిచారు. మెక్సికోకు చెందిన మరియా రెండువ రన్నరప్‌గా నిలిచారు.

భారత్ నుంచి పోటీల్లో పాల్గొన్న గుజరాత్ సుందరి రియా సింఘా మొదటి ఐదుగురిలో నిలవలేకపోయారు. 73వ మిస్ యూనివర్స్ పోటీల్లో విజేతగా నిలిచిన విక్టోరియా కెజార్ హెల్విన్‌కు ప్రపంచ వ్యాప్తంగా పలువురు ప్రముఖులు అభినందనలు తెలిపారు.