ప్రధాని నరేంద్రమోదీ ప్రయాణించాల్సిన విమానంలో సాంకేతిక లోపం తలెత్తింది. ఝార్ఖండ్ పర్యటనలో భాగంగా ఎన్నికల ప్రచారంలో మోదీ పాల్గొన్నారు. పర్యటన కార్యక్రమాలు ముగించుకొని దిల్లీకి తిరిగి వెళ్లేందుకు ఆయన విమానాశ్రయానికి చేరుకున్నారు. కానీ ఎయిర్ క్రాఫ్ట్‌లో సాంకేతిక సమస్య తలెత్తడంతో ప్రయాణం ఆలస్యమైంది.
ఝార్ఖండ్‌లో ఈ నెల 13న తొలి విడత పోలింగ్‌ జరగగా, నవంబరు 20న మహారాష్ట్రతో పాటు రెండో విడత ఎన్నికలు జరగనున్నాయి. నవంబరు 23న ఫలితాలు వెల్లడికానున్నాయి.
ప్రచార కార్యక్రమాల్లో భాగంగా ప్రధాని మోదీ, రెండు ర్యాలీల్లో పాల్గొని ప్రజలను ఉద్దేశించి ప్రసంగించారు.మరోవైపు ఝార్ఖండ్ పర్యటనలో ఉన్న కాంగ్రెస్‌ అగ్రనేత రాహుల్‌ గాంధీ హెలికాప్టర్‌ కూడా గంటకు పైగా నిలిచిపోయింది. ఎయిర్ ట్రాఫిక్‌ కంట్రోల్‌ నుంచి అనుమతి రాకపోవడంతో గోడ్డాలో నిలిపివేశారు.
