పినాకా రాకెట్ లాంచర్ పరీక్ష విజయవంతం

ఏక కాలంలో 12 రాకెట్లు ఫైర్

పినాకా రాకెట్ లాంచ‌ర్‌ను డీఆర్డీవో విజ‌య‌వంతంగా ప‌రీక్షించింది.ఆయుధ వ్య‌వ‌స్థకు చెందిన రేంజ్‌, క‌చ్చిత‌త్వం, స్థిర‌త్వం, ఫైరింగ్ రేట్‌ను నేడు ప‌రీక్షించారు. ప్రొవిజిన‌ల్ స్టాఫ్ క్వాలిటేటివ్ రిక్వైర్మెంట్స్ ట్ర‌య‌ల్స్‌లో భాగంగా ఈ పరీక్షు నిర్వహించారు . పినాకా లాంచ‌ర్ల ద్వారా 12 రాకెట్ల‌ను ఫైరింగ్ చేసిన‌ట్లు డీఆర్డీవో వెల్లడించింది.

పరమశివుడి విల్లును పినాకం అంటారు. ఆ పేరుతో రాకెట్ సిస్ట‌మ్‌ను రూపొందించారు. భార‌త ఆర్మీ వ‌ద్ద ఉన్న ర‌ష్య‌న్ గ్రాడ్ బీఎం-12కు రీప్లేస్మెంట్‌గా దీనిని వినియోగించనున్నారు . 1999 కార్గిల్ యుద్ధంలో దీనిని వినియోగించారు. ఎత్తాటి ప్రదేశాల్లోని పాకిస్తాన్ స్థావ‌రాల‌ను ఈ సిస్ట‌మ్ ద్వారా పేల్చివేశారు.

ఆర్మ‌మెంట్ రీస‌ర్చ్ అండ్ డెవ‌ల‌ప్మెంట్ ఎస్టాబ్లిష్‌మెంట్ ఈ సిస్ట‌మ్‌ను డెవ‌ల‌ప్ చేసింది. మ‌ల్టీ బార‌ల్ రాకెట్ సిస్ట‌మ్‌లో రెండు అమరికలు ఉంటాయి. వీటిల్లో ఆరేసి రాకెట్లు అమర్చి కేవ‌లం 44 సెక‌న్ల‌లోనే వాటిని ఫైర్ చేస్తారు. 700 x 500 మీట‌ర్ల ఏరియాను ఈ ఫైరింగ్ నేలమట్టం చేయగల్గుతుంది. ఇందులో ఉండే బ్యాట‌రీ మొత్తం 72 రాకెట్ల‌ను ఫైర్ చేయ‌గ‌ల‌ సామర్థ్యాన్ని కలిగి ఉంటుంది.

ప్ర‌పంచ‌వ్యాప్తంగా ఈ వెప‌న్ సిస్ట‌మ్‌కు డిమాండ్ పెరగడంతో అడ్వాన్స్‌డ్ టెక్నాలిజీతో దీనిని తయారు చేశారు. విదేశాల నుంచి కూడా ఈ సిస్టమ్ కోసం ఆర్డర్లు వస్తున్నాయి.