ఉపాధ్యాయ అర్హత పరీక్ష ( TET) ఫలితాలు సోమవారం విడుదుల చేసిన ఏపీ ప్రభుత్వం, తాజాగా డీఎస్సీ నోటిఫికేషన్ కు చర్యలు చేపట్టింది. ఈ నెల 6వ తేదీన (రేపు) మెగా డీఎస్సీ ప్రకటన చేయనుంది. దరఖాస్తుల ప్రక్రియ కూడా రేపటి నుంచే ప్రారంభించాలనే యోచనలో ప్రభుత్వం ఉంది. డిసెంబర్‌ 6 వరకు దరఖాస్తుల స్వీకరణకు సమయం ఇచ్చే అవకాశం ఉంది. ఫిబ్రవరి 3 నుంచి మార్చి 4 వరకు పరీక్షలు నిర్వహించనున్నారు.
మొత్తం 16,347 పోస్టులకు మెగా డీఎస్సీ ప్రకటన విడుదల కానుంది. ఇందులో ఎస్జీటీ 6371 పోస్టులు ఉండగా
స్కూల్‌ అసిస్టెంట్లు పోస్టులు 7725 ఉన్నాయి. టీజీటీ 1781, పీజీటీ 286 పోస్టులు ఉన్నాయి. ఇక ప్రిన్సిపల్ 52 పోస్టులు, పీఈటీ 132 పోస్టులు ఉండనున్నాయి. కర్నూలు జిల్లాలో ఎస్జీటీ పోస్టులు అత్యధికంగా ఉన్నాయి.
డీఎస్సీని ఆన్‌లైన్‌లో నిర్వహించడంతో విడతల వారీగా పరీక్ష నిర్వహించాల్సి వస్తుంది. ముఖ్యంగా ఎస్జీటీ పోస్టులకు సంబంధించిన పరీక్ష నిర్వహణకు వారం రోజుల సమయం అవసరం.దీంతో లితాలను నార్మలైజేషన్‌ చేసి విడుదల చేస్తున్నారు.
ఈ సమస్య లేకుండా ఉండేందుకు రెండు, మూడు జిల్లాలకు ఒకేసారి పరీక్ష నిర్వహించే ఆలోచన చేస్తోంది.
ఏపీలో టెట్ కోసం 4,27,300 మంది దరఖాస్తు చేసుకోగా 3,68,661 మంది పరీక్షలకు హాజరయ్యారు. వీరిలో 1,87,256 అర్హత సాధించారు.
