ఘోర రోడ్డు ప్రమాదంలో ఎనిమిది మంది మృత్యువాత పడ్డారు. ఈ ఘటన చత్తీస్‌గఢ్‌లోని బలరామ్‌పూర్‌లో చోటు చేసుకుంది. బుధబాగినా నుంచి సూరజ్‌పూర్ వెళుతోన్న కారు బలరామ్‌పూర్ వద్ద అదుపు తప్పి చెరువులోకి దూసుకెళ్లిందని పోలీసులు తెలిపారు. కారులోనే ఆరుగురు చనిపోయారు. గాయపడిన ఇద్దరిని సమీప ఆసుపత్రికి తరలించగా వారూ చనిపోయారని పోలీసులు తెలిపారు.
ప్రమాద ఘటనపై పోలీసులు కేసు నమోదు చేశారు.మంచు కారణంగా రోడ్డు సరిగా కనిపించక చెరువులోకి దూసుకెళ్లినట్లు అనుమానిస్తున్నారు. చనిపోయిన వారి వివరాలు ఇంకా వెల్లడించలేదు.
