అనంతపురం జిల్లాలో ఘోరం జరిగింది. కారు, లారీని ఢీకొట్టిన ఘటనలో ఆరుగురు ప్రాణాలు కోల్పోయారు. ఈ ఘటన శనివారం మధ్యాహ్నం శింగనమల మండలం నాయనపల్లి క్రాస్‌ వద్ద చోటుచేసుకుంది.
టైరు పగిలి అదుపుతప్పిన కారు, ఎదురుగా వస్తున్న లారీనీ ఢీకొట్టింది. కారు నుజ్జునుజ్జు కావడంతో అందులో ప్రయాణిస్తున్న ఆరుగురు అక్కడికక్కడే ప్రాణాలు కోల్పోయారు. వీరంతా తాడిపత్రిలో నగర కీర్తన వేడుకలో పాల్గొని తిరిగి వస్తున్నారు. మృతులంతా అనంతపురానికి చెందిన వారిగా గుర్తించారు.
