ప్రముఖ శక్తిపీఠం, జ్యోతిర్లింగ క్షేత్రమైన శ్రీశైలంలోని భ్రమరాంబ సమేత మల్లికార్జున స్వామి వారి ఆలయం హుండీ కానుకలను అధికారులు లెక్కించారు. గడిచిన 28 రోజులకు గాను హుండీల ద్వారా భక్తులు సమర్పించిన కానుకలు లెక్కకట్టారు.
చంద్రావతి కళ్యాణ మండపంలో గురువారం ఆలయ అధికారులు సిబ్బందితో హుండీ కానుకల లెక్కింపు చేపట్టగా భారీగా ఆదిదంపతులకు ఆదాయం లభించినట్లు తేలింది. కానుకల ద్వారా రూ.2,58,56,737ల ఆదాయం అందినట్లు ఈవో చంద్రశేఖర్ రెడ్డి తెలిపారు.
స్వామి అమ్మవార్లకు 379 గ్రాముల బంగారు అభరణాలు, సుమారు 8.80 కేజీల వెండి ఆభరణాలు కూడా భక్తులు సమర్పించారు. యూఎన్ఏ డాలర్లు 1093, కెనడా డాలర్లు 215, యూకే పౌండ్స్ 20, యూఏఈ ధీర్హామ్స్ 10, మలేషియా రింగేట్స్ 21, మాల్దీవ్స్ రుఫియాస్ 10, ఈరోస్ 10, సింగపూర్ డాలర్లు 2, మారిటియస్ 25 విదేశీ కరెన్సీ ఉన్నాయి.
