ఘోర ప్రమాదం తప్పింది. విజయవాడ హైదరాబాద్ జాతీయ రహదారిపై చిట్యాల వద్ద ఆయిల్ ట్యాంకర్ వేగంగా డివైడర్‌ను ఢీ కొట్టింది. దీంతో డీజిల్ ట్యాంకర్‌కు మంటలు అంటుకున్నాయి. డ్రైవర్ వెంటనే లారీ నుంచి దూకి ప్రాణాలు కాపాడుకున్నాడు. పెద్ద ఎత్తున మంటలు చెలరేగడంతో జాతీయ రహదారిపై ట్రాఫిక్ నిలిచిపోయింది. దాదాపు ఐదు కిలోమీటర్ల మేర వాహనాలు నిలిచిపోయాయి.
సమాచారం అందడంతో ఫైర్ సిబ్బంది చేరుకుని మంటలు ఆర్పే ప్రయత్నం చేస్తున్నారు. జన సంచారం లేకపోవడంతో పెను ప్రమాదం తప్పింది. ట్యాంకర్ పూర్తిగా కాలిపోయింది. మంటలు ఆర్పి ట్రాఫిక్ క్రమబద్దీకరించేందుకు పోలీసులు ప్రయత్నిస్తున్నారు.
