హరియాణా శాసనసభ ఎన్నికల్లో బీజేపీ విజయం ఎన్డీయేకు శుభసూచకం అని ఆంధ్రప్రదేశ్ ముఖ్యమంత్రి చంద్రబాబు నాయుడు అన్నారు. ప్రధాని మోదీపై నమ్మకంతో సుస్థిరత, అభివృద్ధికే ప్రజలు ఓటేశారని అన్నారు. జమ్మూకశ్మీర్‌లోనూ బలమైన పార్టీగా బీజేపీ ఎదిగిందన్నారు.
బీజేపీకి ఓట్ల శాతం బాగా పెరిగిందని విశ్లేషించారు. మహారాష్ట్ర, జార్ఖండ్‌లోనూ ఎన్డీయేకు మంచి ఫలితాలు వస్తాయని ఆకాంక్షించారు.విజయవాడలో మీడియాతో మాట్లాడిన చంద్రబాబు, తన దిల్లీ పర్యటన గురించి ప్రస్తావించారు.
పార్లమెంటు, అసెంబ్లీ,స్థానిక సంస్థలకు ఒకేసారి ఎన్నికలు నిర్వహిస్తే బాగుంటుందన్నారు. తరుచూ ఎన్నికలు జరిగితే అభివృద్ధికి ఆటంకం ఏర్పడుతుందన్నారు. దేశాల్లో వృద్ధుల సమస్య పెరుగుతోందన్నారు. విధ్వంసకర పాలన వల్ల రాష్ట్రం ఎలా ధ్వంసమైంది గత ఐదేళ్లలో ఏపీలో చూశామన్నారు. బీజేపీ అగ్రనాయకత్వం పనిచేసే విధానం వల్లనే హరియాణాలో ఆ పార్టీ గెలిచిందన్నారు.
