కనకదుర్గమ్మకు ఓ భక్తుడు వజ్రాల కిరీటం కానుకగా సమర్పించుకున్నారు. ముంబైకు చెందిన పారిశ్రామిక వేత్త సౌరభ్ రూ.2 కోట్ల విలువైన వజ్రాల కిరీటం అమ్మవారికి కానుకగా ఇచ్చినట్లు కనకదుర్గమ్మ దేవాలయ ప్రధాన అర్చకులు తెలిపారు. ఎంతో విలువైన అరుదైన వజ్రాలు, రత్నాలతో కిరీటాన్ని తయారు చేసినట్లు ఆయన మీడియాకు చెప్పారు.
మరికొందరు భక్తులు కూడా బంగారు ఆభరణాలు అమ్మవారికి సమర్పించుకున్నట్లు ప్రధాన అర్చకులు ప్రకటించారు. బెజవాడలో దేవీనవరాత్రి ఉత్సవాల సందర్భంగా భక్తులు కానుకగా సమర్పించిన ఆభరణాలతో అమ్మవారిని అలంకరిస్తామని అర్చకులు తెలిపారు.
