త్రిపురలోని ఉత్తర త్రిపుర జిల్లా కైలా షహర్‌ నివాసి అయిన 70 ఏళ్ళ హమీద్ అలీకి జిల్లా సెషన్స్ జడ్జి 20ఏళ్ళ జైలు శిక్ష, రూ 20వేల జరిమానా విధించారు. ఆరేళ్ళ మైనర్ బాలికపై అత్యాచారం చేసిన నేరానికి అతనికి ఈ శిక్ష పడింది.
2023 జూన్ 4న హమీద్ అలీ ఒక ఆరేళ్ళ బాలికను అడవిలోకి తీసుకువెళ్ళి ఆమెపై అత్యాచారానికి పాల్పడ్డాడు. ఆ సంఘటన గురించి ఫిర్యాదు చేసిన నెల రోజుల లోపలే దర్యాప్తు పూర్తిచేసి నిందితుణ్ణి న్యాయస్థానంలో ప్రవేశపెట్టారు. విచారణలో 16మంది సాక్షులు అలీకి వ్యతిరేకంగా సాక్ష్యం చెప్పారు.
నేర తీవ్రతను బట్టి, పటిష్టమైన సాక్ష్యాధారాలను బట్టి ఈ కేసులో నేరస్తుడి పట్ల ఎలాంటి కనికరమూ చూపించే అవకాశమే లేదని న్యాయమూర్తి అంశుమన్ దేవ్ వర్మ చెప్పుకొచ్చారు.
